Thursday, May 25, 2017

தாய் இறந்தது தெரியாமல் பசியில் தாய்ப்பால் குடித்த குழந்தை.. இதயத்தை நொறுக்கும் காட்சிகள்


YouTube Video

மத்தியப்பிரதேச மாநிலம் போபாலில் இருந்து 250 கி.மீ தூரத்தில் உள்ளது தாமோ. அங்கு, ரயில்வே தண்டவாளத்தில் 35 வயது மதிக்கத்தக்க பெண்மணி ஒருவர் இறந்துகிடந்தார். அவருக்கு அருகே, அந்தப் பெண்ணின் ஒன்றரை வயது குழந்தையும் இருந்துள்ளது.

தன் தாய் இறந்தது தெரியாத அந்தக் குழந்தை, தாயை எழுப்ப முயன்றுள்ளது. குறிப்பாக, தாயின் மார்பில் பால் குடிக்க முயன்றுள்ளது. பிறகு, குழந்தை அந்தப் பெண்ணின் மார்பில் பால் குடித்தபடி இருந்துள்ளது. இதை, அந்தப் பகுதியில் இருந்தவர்கள் அருகில் சென்று பார்த்தபோது, முகத்தில் ரத்தம் வடிந்தபடி அந்தப் பெண் முன்பே இறந்துவிட்டது தெரிந்தது.

இதையடுத்து, அவர்கள் போலீஸுக்கு தகவல் கொடுத்தனர். அவர்கள், சம்பவ இடத்துக்கு வந்து பெண்ணின் சடலத்தை மீட்டனர். அவர், ரயிலில் இருந்து தவறி விழுந்து அடிபட்டிருப்பாரா, அந்தப் பெண் யார், எதற்காக அங்கு வந்தார் என்பதுகுறித்து தகவல் இல்லை. இதற்கிடையே, இறந்த தன் தாயின் மார்பில் அந்தக் குழந்தை பால்குடிக்க முயற்சிசெய்த போட்டோ மற்றும் வீடியோ, சமூக வலைதளங்களில் வேகமாகப் பரவி, பார்ப்போர் மனதை உருகவைத்துள்ளது.

இந்நிலையில், இந்த விஷயத்தில் நடந்த மற்றொரு சம்பவம் அதிர்ச்சியை ஏற்படுத்தியுள்ளது. குழந்தையை, அருகில் உள்ள அரசு மருத்துவமனையில் அனுமதிப்பதற்காகக் கொண்டுசென்றுள்ளனர். அப்போது, 'பத்து ரூபாய் கொடுத்தால்தான் குழந்தையை அனுமதிப்போம்' என்று மருத்துமனை ஊழியர்கள் கூறியுள்ளனர். இதையடுத்து, 10 ரூபாய் கொடுத்து, குழந்தையை மருத்துவமனையில் சேர்த்துள்ளனர்.

வீடியோ காட்சிகளை இங்கு அழுத்தி பார்க்கவும்



Facebook.com/sltnews

புலிகள் தளபதிகள் தப்பியோட அவர்களை புலிகள் சுட்டனர் – இந்த புலி ஆமி தமிழ் பொண்ணு சொல்லுது – வீடியோ


YouTube Video

நீங்கள் எந்த நாட்டில் ,எந்த சிட்டியில் இருந்து எமது இணையத்தை பார்க்கின்றீர்கள் தெரிந்து கொள்ள ஆசையா ..?இது துல்லியமான காட்டி கொடுப்பா ..? இந்த பக்கத்தின் கீழ் பகுதிக்கு சென்று பாருங்கள்
புலிகள் தளபதிகள் தப்பியோட அவர்களை புலிகள் சுட்டனர் – இந்த புலி ஆமி தமிழ் பொண்ணு சொல்லுது – வீடியோ ………………….

புலிகள் அமைப்பில் முன்னர் போராளியாக இருந்த தமிழ் பொண்ணு
இப்ப சிங்கள இராணுவத்தில் இணைந்துள்ளார் .
இவரது கண்களை உற்று கவனியுங்கள வற்புறுத்தல் ஊடாக இவர் இராணுவத்தில் உள்ளது
அம்பலமாகியுள்ளது .

இவர் சிங்கள படையால் சொல்லென்னா துயரங்களை அனுபவித்துள்ளது
தெரியவருகிறது .

இந்த பெண்ணை நாம் திட்ட முடியாத நிலை .சிங்கள படைகள் முன்னாள் போராளிகளைஎவ்வாறு வதைக்கிறது என்பதற்கு உளவியல்,உடலியல் ,
அசைவுகளை கணிப்பவர்கள் புரிந்து கொள்வார்க்ள.

சுமைகள் எப்போதும் நிரந்தரமில்லை
நின்மதியான வாழ்க்கைக்கு ஒரு அர்த்தம்
எப்போது கிடைக்கும் ..
என இவள் சொல்வதன் ஊடாக பல ரணங்கள் ஊடக தாம் சிக்கியுள்ளதை வெளி படுத்துகிறாள் .


Facebook.com/sltnews

யாழில் புலி வாகனத்தில் அம்மன்! அலங்காரத்தில் தமிழீழ வரைபடம்!




யாழ்ப்பாணம் - திருநெல்வேலி ஸ்ரீ காளி அம்மன் ஆலயத்தில் உற்சவத்திற்காக அலங்கரிக்கப்பட்டிருந்த அம்மனின் வாகனத்தில் தமிழீழ விடுதலைப்புலிகளின் வரைபடம் காணப்பட்டுள்ளது.

அம்மனின் புலி வாகனத்தில் தமிழீழ விடுதலைப்புலிகளின் வரைபடம் அலங்கரிக்கப்பட்டுள்ளது.

திருநெல்வேலி ஸ்ரீ காளி அம்மன் ஆலயத்தின் வருடாந்த அலங்கார உற்சவத்தின் 3 ஆம் நாள் திருவிழா கடந்த செவ்வாய்க்கிழமை நடைபெற்றுள்ளது.

இதன்போது அம்மன் தானது புலி வாகனத்தில் எழுந்தருளி வரும் போது அம்மனுக்குப் பின்னால் பூக்களாலும் அலங்காரப் பொருட்களாலும் உருவாக்கப்பட்ட தமிழீழ வரைபடம் காணப்பட்டுள்ளது.

இது தொடர்பில் ஆலய நிர்வாகத்தை சேர்ந்த இளைஞர் ஒருவர் மீது விசாரணைகள் மேற்கொள்ளப்பட்டுள்ளன.



இந்த இளைஞரை கோப்பாய் போலிஸ் நிலையத்திற்கு நேற்று அழைத்துச் சென்று யாழ்ப்பாண பொலிஸ் புலனாய்வுத் துறையினர் தீவிர விசாரணைகளை மேற்கொண்டு உள்ளனர் என தெரிவிக்கப்படுகின்றது.


Facebook.com/sltnews

தாயின் அன்பு கிடைக்காமையினால் மாணவி ரயிலில் பாய்ந்து தற்கொலை..... மன்னார் சம்பவத்தின் சில புகைப்படங்கள் மற்றும் மாணவி எழுதி வைத்திருந்த கடிதமும்....







சோகத்தில் ஆழ்த்திய மாணவியின் மரணம்!!கடிதத்தில் காணப்பட்ட தகவல் இதுதான்!!

மாணவி ஒருவர் புகையிரதத்துக்கு முன்னால் பாய்ந்து தற்கொலை செய்து கொண்ட சோகமான சம்பவம் நேற்று மன்னாரில் இடம் பெற்றுள்ளது.

தாயின் நீண்டகால பாசம் இன்றி தொடர்ச்சியாக வேதனைகளை சந்தித்து வந்த மாணவி ஒருவரே இவ்வாறு தற்கொலை செய்து கொண்டதாக தெரிவிக்கப்படுகிறது.

கொழும்பில் இருந்து மன்னார் நோக்கி பயணித்த புகையிரதத்தில் பாய்ந்து குறித்த மாணவி உயிரிழந்துள்ளதாக தெரிய வருகின்றது.

உயிரிழந்த மாணவி மன்னாரில் உள்ள பிரபல பாடசாலை ஒன்றில் உயர் தரத்தில் கல்வி கற்கும் தயாளினி என அழைக்கப்படும் சண்முகலிங்கம் மிதுலா என தெரிய வந்துள்ளது.

தனது சொந்த இடமான முழங்காவில் பகுதிக்கு சென்று விட்டு மீண்டும் மன்னார் உப்புக்களம் பகுதியில் உள்ள தனது உறவினர் ஒருவரின் வீட்டிற்குச் சென்ற போதே குறித்த சம்பவம் இடம் பெற்றுள்ளது.

இந்த அனர்த்தம் இடம்பெறும் முன்னர் மூன்று பக்கம் அடங்கிய கடிதம் ஒன்றை மாணவி எழுதி வைத்துள்ளார்.

குறித்த சம்பவம் தொடர்பாக மேலும் தெரிய வருகையில்,

முழங்காவில் பகுதியைச் சேர்ந்த தயாளினி என அழைக்கப்படும் சண்முகலிங்கம் மிதுலா என்ற மாணவி மன்னார் நகரில் உள்ள பிரபல பாடசாலை ஒன்றில் உயர் தரத்தில் கல்வி கற்று வருகின்றார்.

குறித்த மாணவி முழங்காவிலில் உள்ள தனது கிராமத்தில் இருந்து உடைகள் அடங்கிய பை ஒன்றுடன் மன்னாரில் உள்ள தனது வாடகை வீட்டை நேற்று வந்துள்ளார்.

இந்த நிலையில் குறித்த மாணவி வங்காலை புகையிரத கடவையில் இருந்து மன்னார் நோக்கி சுமார் 200 மீற்றர் தொலைவில் கொழும்பில் இருந்து தலைமன்னார் நோக்கி பயணித்த புகையிரதத்தின் முன் பாய்ந்து தற்கொலை செய்துள்ளார். இதன்போது மாணவி ஸ்தலத்திலேயே உயிரிழந்துள்ளார்.

மாணவியின் உடலம் அதே புகையிரதத்திலேயே ஏற்றப்பட்டு மன்னார் சௌத்பார் புகையிரத நிலையத்தில் ஒப்படைக்கப்பட்டதோடு, யுவதியின் உடமையும் சோதிக்கப்பட்டது.

இதன் போது 3 பக்கங்களை கொண்ட கடிதம் ஒன்றை எழுதி வைத்து விட்டு தற்கொலை செய்து கொண்டுள்ளமை தெரிய வருகின்றது.

குறித்த கடிதத்தில் குறிப்பிடப்பட்டுள்ளதாவது.

தனக்கு மட்டும் பல்வேறு சோதனைகளும் வேதனைகளும் ஏற்படுவதாகவும், தனது தாய் தன்னை தனியாக தவிக்க விட்டுள்ளதாகவும், அம்மா அம்மா என்று தான் அன்பாக சென்றுள்ள போதும் கல் நெஞ்சம் கொண்ட அம்மாவாக அவர் நடந்து கொண்டுள்ளதாக குறிப்பிட்டுள்ளார்.

மேலும் தனக்காக உள்ளவர்களுடன் சண்டையிட்டு தன்னை அவர்களிடம் இருந்து பிரிக்க நினைப்பதாகவும், தொடர்ந்தும் தனக்கு துரோகம் செய்ய நினைப்தாகவும் குறித்த கடிதத்தில் எழுதப்பட்டுள்ளது.

எனது மரணத்திற்கு யாரும் காரணம் இல்லை என்றும் தனது வாழ்க்கையில் சந்தோசம் இல்லை இதன் காரணமாகவே இந்த முடிவை எடுத்துள்ளதாக குறிப்பிடப்பட்டுள்ளது.

தற்போது குறித்த மாணவியின் சடலம் மன்னார் பொது வைத்தியசாலையில் ஒப்படைக்கப்பட்டுள்ளது. மன்னார் பொலிஸார் மேலதிக விசாரணைகளை மேற்கொண்டு வருகின்றனர்.

தாயின் அன்பு கிடைக்காமையினால் மாணவியின் உயிரிழப்பு ஏற்பட்டுள்ளதாக தெரியவந்துள்ள நிலையில், அனைவர் மனதையும் வேதனை ஏற்படுத்தும் விதமாக மரணம் அமைந்துள்ளது.

















Facebook.com/sltnews

ஞானசார மறைமுகமாக ஒளிந்துள்ளார், வெளியில் வந்தால் படுகொலை செய்யப்படுவார் : பொதுபலசேனா - மாறுப்பட்ட கருத்துக்களால் புதிய சர்ச்சை




பொதுபல சேனாவின் பொதுச் செயலாளர் கலகொட அத்தே ஞானசார தேரர் மறைமுகமான இடமொன்றில் ஒளிந்துள்ளார். அவர் கைது செய்யப்பட்டால் படுகொலை செய்யப்படலாம் என்பதற்காக அவரை வெளியில் வர வேண்டாம் என எச்சரித்துள்ளோம் என பொதுபல சேனா அமைப்பு தெரிவித்துள்ளது.

கொழும்பில் இன்று இடம்பெற்ற ஊடகவிலயலாளர் சந்திப்பின் போதே அவ்வமைப்பின் ஊடகப்பேச்சாளர் டிலாந்த விதானகே மேற்கண்டவாறு தெரிவித்தார்.

இதேவேளை நீதிமன்றத்தை அவமதித்தார் எனும் குற்றச்சாட்டுக்கு உள்ளாகியுள்ள ஞானசார தேரர் நேற்று அவருக்கு எதிராக மேன் முறையீட்டு நீதிமன்றில் விசாரணைக்கு எடுத்துக்கொள்ளப்பட்ட அவமதிப்பு வழக்கில் ஆஜராகவில்லை.

தேரருக்கு கடுமையான சுகயீனம் காரணமாகவே அவர் நீதிமன்றில் ஆஜராகவில்லை என நீதிமன்றில் தேரர் சார்பாக ஆஜரான சட்டத்தரணி அனூஷா பேருசிங்க நேற்று தெரிவித்திருந்தார். இதனையடுத்து 31 ஆம் திகதி வரை வழக்கு ஒத்திவைக்கப்பட்டது.

இந்நிலையில், தேரர் உயிருக்கு பயந்து மறைமுகமான இடமொன்றில் ஒளிந்திருப்பதாக அவ்வமைப்பு இன்று தெரிவித்துள்ளமை குறிப்பிடத்தக்கது.


Facebook.com/sltnews

ரத்துபஸ்வெல சம்பவம் : கைதுசெய்யப்பட்ட பிரிகேடியருக்கு விளக்கமறியல்!




ரத்துபஸ்வெல ஆர்ப்பாட்டக்காரர்கள் மீது துப்பாக்கிசூடு நடத்த கட்டளையிட்டதாக கூறப்படும் பிரிகேடியர் அனுர தேசப்பிரிய குணவர்வதனவை எதிர்வரும் 31 ஆம் திகதிவரை விளக்கமறியலில் வைக்குமாறு நீதிமன்றம் உத்தரவிட்டுள்ளது.

வாக்குமூலமளிப்பதற்காக குற்றப்புலனாய்வு திணைக்களத்தில் ஆஜராகிய பிரிகேடியர் அனுர தேசப்பிரிய குணவர்வதனவை குற்றப்புலானாய்வு திணைக்களத்தினர் இன்று கைதுசெய்து நீதிமன்றத்தில் ஆஜர்படுத்தியதையடுத்தே குறித்த உத்தரவு பிறப்பிக்கப்பட்டுள்ளது.

கடந்த 2013 ஆம் ஆண்டு ரத்துபஸ்வெல வெலிவேரிய சந்தியில் சுத்தமான குடிநீர் கோரி மக்கள் ஆர்ப்பாட்டத்தில் ஈடுபட்டனர்.

இதன் போது குறித்த ஆர்ப்பாட்டத்தில் ஈடுபட்டவர்கள் மீது இராணுவத்தினர் தாக்குதல் மேற்கொண்டதனால் மூவர் உயிரிழந்தனர்.

இதில் இருவர் துப்பாக்கிசூட்டிலும் ஒருவர் தட்டையான ஆயுதத்தால் தாக்கப்பட்டும் உயிரிழந்திருந்தமை குறிப்பிடத்தக்கது.


Facebook.com/sltnews

Wednesday, May 24, 2017

ஏன் இந்த போராட்டங்கள் வெடிக்கவில்லை?




அரசியல் கைதிகள் நவம்பர் 7 ம் திகதிக்கு முன்னர் விடுதலை செய்யப்பட வேண்டும். இல்லையேல் தமிழ்தேசியகூட்டமைப்பு போராட்டத்தை ஆரம்பிக்கும் என்று சுமந்திரன் 2015ம் ஆண்டு கூறினார். கைதிகள் இன்னும் விடுதலை செய்யப்படவில்லை. ஆண்டு 2017 ஆகிவிட்டது. என் இன்னும் சுமந்திரன் போராட்டத்தை ஆரம்பிக்கவில்லை?

உறுதியளித்தபடி அரசு தீர்வு காணாவிட்டால் மீண்டும் இளைஞர் போராட்டம் வெடிக்கும் என்று பாராளுமன்ற பிரதிகுழு தலைவர் செல்வம் அடைக்கலநாதன் கூறினார். அரசு இன்னும் தீர்வு காணவில்லை. எனவே ஏன் இன்னும் செல்வம் அடைகலநாதன் கூறிய இளைஞர் போராட்டம் வெடிக்கவில்லை?

இனி போராட்டம்தான் வேறு வழியில்லை என்று சரவணபவன் எம்.பி 2015ல் வட்டுக்கோட்டையில் பொதுக்கூட்டத்தில் தெரிவித்தார். அவர் தன் மகளின் பிறந்தநாளுக்கு ஜனாதிபதியை வரவழைத்து கேக் வெட்டியதை தவிர வேறு என்ன போராட்டத்தை செய்துள்ளார்?

ஏமாற்ற கொழும்பு முயன்றால் அரசை முடக்கும் போராட்டம் வெடிக்கும் என்று டிசெம்பர் 28 மாவை சேனாதிராசா முழங்கினார். அவர் இவ்வாறு பலதடவை போராட்டம் வெடிக்கும் என்று கூறியிருக்கிறார். ஆனால் இதுவரை ஒருபோராட்டம்கூட அவரால் ஏன் வெடிக்கவில்லை?

ஆனால்,

காணாமல் போனவர்களின் உறவுகள் போராடுகிறார்கள்

கேப்பாப்பிலவு மக்கள் தமது நிலம் கேட்டு போராடுகிறார்கள்

பன்னங்கட்டி மக்கள் தமது நிலம் கேட்டு போராடுகின்றார்கள்.

இரணதீவு மகக்ள மீள் குடியேற்றுமாறு கோரி போராடுகிறார்கள்

வேலையற்ற பட்டதாரிகள் வேலை கேட்டு போராடுகிறார்கள்

இவ்வாறு தமிழ் மகக்ள தாங்களாகவே தமக்காக போராடி வருகிறார்கள். ஆனால் மக்களுக்காக போராட வேண்டிய தலைவர்களோ போராட்டம் வெடிக்கும் என்று அறிக்கை விட்டுக் கொண்டிருக்கிறார்கள்.

இந்த தலைவர்கள் தமிழ் மக்களுக்காக போராட்டம் நடத்தாவிட்டாலும் பரவாயில்லை. போராடும் அந்த மக்களை நேரில் சந்தித்து ஆறுதல் வார்த்தையாவது கூறியிருக்கலாம்.

ஆனால் இவர்களோ தம்மை சந்திக்க வந்தவர்களிடம் பேப்பர் படித்துக்கொண்டு “என்னடம் திறப்பு இல்லை” என்று திமிராக பதில் சொல்கிறார்கள். காணாமல் போனவர்கள் உயிருடன் இருந்தால் விடுதலை செய்யப்படுவார்கள் என்று பொறுப்பற்ற முறையில் கூறுகிறார்கள்.

அதைவிட, போராட்டம் செய்து நல்லாட்சி அரசுக்கு நெருக்கடி கொடுக்க வேண்டாம் என்று வேறு போராடும் மக்களிடம் புத்திமதி கூறுகின்றனர்.

காணியைப் பெற்றவர்களே வடக்கில் போராடுவதாக ஜனாதிபதி மைத்திரி பொய் கூறுகிறார். ஜனாதிபதி கூறுவது தவறு என்று ஆதாரங்களுடன் மறுத்துரைக்க வேண்டிய நம் தலைவர்கள் மௌனமாக இருக்கின்றனர்.

ஒரு தலைவர் பிரதமரைக்கூட்டிச் சென்று குடத்தனையில் நுங்கு வெட்டிக் கொடுக்கிறார். இன்னொரு தலைவர் ஜனாதிபதியை அழைத்தச் சென்று மகளுக்கு பிறந்தநாள் கேக் வெட்டுகிறார்.

மக்களின் வாக்கு பெற்று பதவியை பெற்ற நம் தலைவர்கள் மக்களின் நலனை கவனிப்பதில்லை. சொகுசு வாகனம், சொகுசு பங்களா என தமது நலனையே கவனிக்கின்றனர்.

இது நியாயமா?

ஜீ.ஜெ பிரகாஸ்

Facebook.com/sltnews

புலிகள் தயாரித்த நீர்மூழ்கி ஏவுகணையால் நடுங்கிய தென்னாசியா!




நீர்மூழ்கி ஏவுகணைகளை புலிகள் தாமே வடிவமைத்து இயக்கி வந்ததாக இந்தோனேசிய ஆங்கில ஊடகம் ஒன்று செய்திவெளியிட்டுள்ளது. இசுரேல், அமெரிக்கா மற்றும் பிரித்தானியா போன்ற நாடுகளே கடலுக்கு அடியில் சென்று, எதிரியின் கப்பல்களைத் தாக்கக்கூடிய ரோப்பிடோக்களைத் (Roppitokkal) தயாரிப்பதில் வல்லவர்கள்.

தொழில் நுற்பத்தில் பன்மடங்கு வளர்சியடைந்திருக்கும் இந் நாடுகளுக்கு இணையாக விடுதலைப் புலிகள் உள்ளூர் பொருட்களைப் பாவித்து இவ்வகையான நீர்மூழ்கி ஏவுகணைகளைத் தயாரித்துள்ளனர் என அது மேலும் கருத்துத் தெரிவித்துள்ளது. பிளாஸ்டிக் எக்ஸ்புளோசிவ் என்று சொல்லப்படும், படு பயங்கரமான வெடி மருந்துகளை இவர்கள் இந்த ஏவுகணைகளில் பொருத்தியுள்ளனர்.


குறிப்பாகச் சொல்லப்போனால், இவ்வகையான ஏவுகணையின் தாக்குதலில் சிக்கும் எந்தக் கப்பலும் சுக்கு நூறாகிவிடும். விடுதலைப் புலிகள், ஆரம்ப காலத்தில் தற்கொலைப் படகுகள் மூலமே இலங்கை கடற்படையினரைத் தாக்கி வந்தனர். 2002ம் ஆண்டுக்குப் பின்னரே இவர்கள் நீர்மூழ்கி ஏவுகணகளைச் செய்ய கற்றுகொண்டதாகவும் தெரிவிக்கப்படுகிறது.



மேற்குலக நாடுகள் உற்பத்திசெய்யும் நீர்மூழ்கி ஏவுகணைகள், தமது இலக்கை அறிந்து, அதனை துரத்திச் சென்று தாக்க வல்லது. அதுபோல இல்லை என்றாலும், எதிரியின் கப்பலை நோக்கி ஏவுகணையை தரையில் இருந்தே கட்டுப்படுத்தக்கூடிய தொழில் நுற்பத்தை விடுதலைப் புலிகள் கொண்டிருந்தனர் எனவும் அறியப்படுகிறது. தமது வசதிகளுக்கு ஏற்ப, ரிமோட் கன்றோலர் மூலம் இயக்கக்கூடிய நீர்மூழ்கி ஏவுகணைகளை புலிகள் துல்லியமாக தயாரித்துவைத்திருந்துள்ளனர்.

இலங்கை இராணும் புலிகளின் கடற்படை முகாம் ஒன்றை 2009ம் ஆண்டு அதிரடி நடவடிக்கை ஒன்றின் மூலம் திடீரெனக் கைப்பற்றியது. அங்கே காணப்பட்ட, நீர்மூழ்கி ஏவுகணைப் பார்த்து இராணுவம் அதிர்ந்துபோயுள்ளது எனத் தெரிவிக்கப்படுகிறது. தெற்காசியாவில் இவ்வகையான பாரிய சக்திகொண்ட நீர்மூழ்கி ஏவுகணைகளைக் கொண்ட ஒரே இயக்கம், புலிகளாகத்தான் இருக்கவேண்டும் என இந்தோனேசிய ஊடகம் மேலும் தெரிவித்துள்ளது.

அதுமட்டுமல்லாது இலங்கை அரசானது, தனக்குத் தேவையான துப்பாக்கி ரவைகளைக்கூட பிற நாடுகளிடம் இருந்தே தருவித்துவரும் நிலையில், விடுதலைப் புலிகள் இதுபோன்ற கனரக ஆயுதங்களை மிக இலகுவாக உற்பத்திசெய்யக் கற்றுக்கொண்டனர் எனவும் அது மேலும் தெரிவித்துள்ளது, குறிப்பிடத்தக்க விடையமாகும். இப்போது புரிகின்றதா?


Facebook.com/sltnews

இப்படியும் ஒரு சிங்கள மாணவனா??நம்ப மறுக்கிறது தமிழர்களின் இதயம்!!




எமது விஞ்ஞான பீடத்தின் சிரேஷ்ட மாணவரான Indrajith Kumara வினால்
மே 20ம் திகதி அன்று முகநூலில் பதிவிடப்பட்ட பதிவின் தமிழாக்கம் பின்வருமாறு,

“மறக்க முடியாது, மன்னிக்கவும் முடியாது, தமிழ் இன அழிப்பு நாள் மே 18” இவ்வாறே தமிழ் எழுத்துக்களில் அச்சிடப்பட்டுள்ளது. அதில் மலர் ஒன்று இருக்கிறதே, அதுதான் ஈழ இராச்சியத்தின் தேசிய மலர், அந்த சிகப்பு, மஞ்சள் நிறமே அவர்களின் கொடியின் வர்ணம்.

இதைப் பார்க்கும் போது கோபமும் வெறுப்பும் வருகிறதா? மீண்டும் யுத்தம் புரிய தோன்றுகிறதா? ஆனால் யாழ்ப்பாணத்தில் இருக்கும் எங்களுக்கு அவ்வாறு தோன்றவில்லை. பெரிய ஏமாற்றமே ஏற்படுகிறது. இவர்களை நினைத்து அல்ல, எம்மவர்களை (சிங்களவர்களை) நினைத்து.

நாங்கள் கண்ணியமற்ற முறையில் நடந்துகொள்கிறோம். ஒரு சிங்களவராக நான் இதை கூறுவதில் வெ்கமடைகிறேன். எங்களுக்குள் எந்த வித ஒற்றுமையும் இல்லை. இந்த யாழ் பல்கலையினுள்ளே நாம் அடித்துக் கொள்கிறோம். ஒருவரை ஒருவர் குறைக்கூறிக் கொள்கிறோம். இப்படி எமக்குள்ளே ஆயிரம் பிரச்சனைகள்.

ஆனால் இங்குள்ளவர்கள் அவ்வாறில்லை. அவர்களுக்கு அன்றும் இன்றும்(நாளையும்) ஒரே பிரச்சனை. அது அவர்களின் இன உரிமையை பாதுகாக்கும் பிரச்சனை. இதுவே இங்கு நாம் தெரிந்து கொண்டோம். இவர்கள் எப்போதும் இவர்களுக்காக இறந்தவர்களை மறக்கவில்லை. ஒவ்வொரு வருடமும் அவர்களை நினைவு கூருகின்றனர். இங்குள்ள அரசியல்வாதிகள் பணமோகம் பிடித்தவர்களில்லை. அவர்கள் எங்கும் எப்போதும் கதைப்பது அவர்களின் உரிமையை பற்றி மட்டும் தான்.

எமது நாட்டில் மூன்றோ நான்கோ தமிழ் பத்திரிகைகள் மட்டுமே உள்ளது. ஆனால் அவையும் அவர்களின் உரிமைப்பிரச்சனையை பற்றிக் கதைப்பதில் பின்னிற்பதில்லை.

தென்னிலங்கையில் இதுவரை எத்தனையோ பாலியல் துஷ்பிரயோகம் நிகழ்ந்துள்ளது. அவை எல்லாம் எமக்கு இன்று நினைவில் இல்லை.ஆனால் வித்தியா படுகொலையை இவர்கள் இன்றும் மறக்கவில்லை. வித்தியா படுகொலைக்காக பெரிய போராட்டம் நடந்தது. ஒரு இனம் என்ற ரீதியில் அனைவரும் முன்னின்றனர்.

ஆனால் நீங்கள் இதையெல்லாம் ஒரு பக்கம் வைத்துவிட்டு நான் தமிழர்களுக்கு சார்பானவன் என்று திட்ட ஆரம்பிப்பீர்கள். இதோ அவர்களுக்கும் பதிலளிக்கிறேன். நான் இதை சிங்கள மொழியில் பதிவிட்டுள்ளேன். தமிழர்களுக்கு புரியப்போவதில்லை. நான் தமிழர்களுக்கு எதிரான கருத்தை பதிவிட்டுள்ளேன் என்றே எண்ணுவார்கள். யாழ்ப்பாணத்தில் இருந்துகொண்டு இவ்வாறு பதிவிடும் ஒரே சிங்களவர் நான் மட்டுமே. நான் உங்களுக்கு( சிங்களவர்களுக்கு) புரிய வைக்கவே இவ்வாறு பதிவிடுகிறேன்.

ஒரு இனத்தவர்களாக நம்மால் முடியாத பல விடயங்களை அவர்கள் ஓர் இனமாக ஒற்றுமையுடன் சாசித்துள்ளனர். தமிழர்களிடமிருந்து நாம் கற்றுக்கொள்ள வேண்டியது நிறைய உள்ளது. அவர்கள் இன்று முடியாவிட்டாலும் நாளை முடியாவிட்டாலும் நூறு வருடங்களானாலும் அவர்களின் உரிமையை வென்றெடுப்பர். நாம் இதே போல் என்றும் குறை கூறிக்கொண்டிரிப்போமேயானால் நாம் முன்னேறுவது கடினம்.


Facebook.com/sltnews

ஞானசார தேரரை நெருங்க முடியாத நிலையில் அருட்தந்தை ராஜன் மீது அடிக்கடி விசாரணை




இனவாதசெயற்பாடுகளை பகிரங்கமாக முன்னெடுக்கும் ஞானசார தேரரை கைது செய்வதற்குகிட்ட நெருங்குவதற்கு கூட பொலிஸாரால் முடியாதிருக்கின்ற அதேசமயத்தில் தான்முல்லைத்தீவில் மனித உரிமை செயற்பாட்டாளரான அருட்தந்தை எழில் ராஜனைவிசாரணைக்காக அடிக்கடி அழைத்து அச்சுறுத்துவதாக தமிழ்த் தேசியக் கூட்டமைப்பின்யாழ்.மாவட்ட பாராளுமன்ற உறுப்பினர் சிறிதரன் சபையில் அதிருப்தி வெளியிட்டார்.

பாராளுமன்றத்தில் நேற்று (செவ்வாய்க்கிழமை) நிதி அமைச்சின் ஒதுக்கீட்டுச்சட்டத்தின் கீழான தீர்மானத்தை அங்கீகரிப்பது தொடர்பான விவாதத்தில் கலந்துகொண்டு உரையாற்றுகையிலேயே அவர் மேற்கண்டவாறு தெரிவித்தார்.

அவர் தொடர்ந்து தெரிவிக்கையில்,

எமது மக்கள் தற்போது தமது உறவுகளை தேடியும், சொந்த நிலங்களை தேடியும்போராடிக்கொண்டிருக்கின்றார்கள். 92 நாட்கள் கடந்தும் தமது போராட்டத்தினைதொடர்ந்து கொண்டிருக்கின்றார்கள். அவர்கள் தொடர்பாக இந்த அரசாங்கத்தின் எந்தஅரச தலைவரும் கவனத்தில் கொள்ளவில்லை.

இறுதி யுத்தத்தின்போது உயிர்நீத்த உறவுகளை நினைவு கூருவதற்காக கடந்த 18ம்திகதி மூன்றாவது வருடமாகவும் மேற்கொண்டிருந்தோம்.

அவ்வாறிருக்கையில் தனதுபங்கு மக்கள் 500 பேரை பறிகொடுத்து அவர்களுக்காக நினைவுகூரும் செயற்பாடுகளைமுல்லை மாவட்ட மனித உரிமை செயற்பாட்டாளரான அருட்தந்தை எழில் ராஜன்மேற்கொண்டிருந்தார்.

உயிர் துறந்த மக்களை நினைவுகூரும் முகமாக முல்லைத்தீவு சின்னப்பர் ஆலயவளாகத்தில் நினைவு படிகத்தினை உருவாக்கும் செயற்பாடுகளை மேற்கொண்டிருந்தநிலையில் கடந்த 17ம் திகதி அவரை முல்லைத்தீவு பொலிஸ் நிலையத்திற்கு அழைத்துவிசாரணை மேற்கொண்டார்கள்.

மறுதினம் அவருடைய நினைவு கூரல் நினைவேந்தல் நிகழ்வுக்கு எதிராக நீதிமன்றதடையுத்தரவையும் பெற்றுக்கொண்டார்கள். அதற்கு அடுத்த தினமான 19ம் திகதிமீண்டும் அருட்தந்தையையும், கற்களில் பெயரினை பொறித்த சிற்பியையும்வவுனியாவுக்கு அழைத்து விசாரணைகளை நடத்துகின்றார்கள்.

இவையெல்லாம் எந்த அடிப்படையில் நடைபெறுகின்றது என்று சற்றுசிந்தித்துப்பாருங்கள்.

தமிழ்மொழி பேசும் அருந்தந்தைக்கு இவ்வாறான நிலைமைகள்இருக்கையில் இனவாதத்திற்கு இடமளிக்க மாட்டோம், சமத்துவத்தைப் பேணுவோம்என்றெல்லாம் வாக்குறுதிகளை கூறிய ஆட்சியாளர்களின் காலத்தில் பொதுபலசேனாவின்ஞானசார தேரர் மீண்டும் இனவாதச் செயற்பாடுகளை ஆரம்பித்துள்ளார்.

ஞானசாரதேரரை கைது செய்வதற்கான அதிகாரம் பொலிஸாரிடத்தில் இருந்தும் அவரைநெருங்குவதற்கு அவர்கள் அச்சமடைகின்றார்கள். ஆனால் அப்பாவியான அருட்தந்தையைஅழைத்து விசாரணை என்ற பெயரில் அச்சுறுத்துகின்றார்கள்.

இவ்வாறான பாரபட்சம் நீடிக்கின்ற நிலையில் நல்லிணக்கம் எவ்வாறு ஏற்படும்.பொருளாதாரம் எவ்வாறு மேம்படும் என்பதை சிந்தித்துப் பார்க்க வேண்டும் என்றார்.


Facebook.com/sltnews

கிளிநொச்சியில் சிங்கக்கொடி! தமிழர்கள் புலிக்கொடி ஏற்றுவதில் என்ன தவறு?




சிங்கக்கொடியில் தமிழ் மற்றும் முஸ்லிம் இனங்களைக் குறிக்கும் அடையாளங்கள் அகற்றப்பட்டதைப் போல, புலிக்கொடிகளில் விடுதலைப்புலிகள் என்ற வாசகத்தை நீக்கிவிட்டு புலிக்கொடியை பறக்க விடுவதில் என்ன தவறு? என கூட்டமைப்பின் நாடாளுமன்ற உறுப்பினர் சி.சிறீதரன் கேள்வி எழுப்பியுள்ளார்.

நாடாளுமன்றில் நேற்று இடம்பெற்ற அமர்வின்போதே இந்த கேள்வியை எழுப்பியுள்ளார். தொடர்ந்து தெரிவிக்கையில்,

கடந்த வாரம் கிளிநொச்சியில் பிரதான வீதியில் உள்ள மின்கம்பங்களில் சிங்கக்கொடிகள் பறக்கவிடப்பட்டிருந்தன.

சிங்கக்கொடிகள் பறக்க விடுவதற்கு நாம் எதிரானவர்கள் அல்ல. ஆனால் அவர்கள் பறக்கவிட்ட சிங்கக்கொடியில் தமிழ் மற்றும் முஸ்லிம் இனங்களைக் குறிக்கும் அடையாளங்கள் இருக்கவில்லை.

சிறுபான்மையினரை விலக்கிவிட்டு தனி பெரும்பான்மையை குறிக்கும் கொடியே பறக்கவிடப்பட்டது. இதை கிளிநொச்சி பொலிஸாரும் வேடிக்கை பார்த்துக்கொண்டு இருந்தனர்.

இவ்வாறு இந்த நாட்டில் தமிழ் மற்றும் முஸ்லிம் இனங்களை புறக்கணித்து பிரிவினையை மையமாக வைத்த சில செயற்பாடுகள் முன்னெடுக்கப்படுகின்றன.

இவ்வாறு சிலர் செயற்படும் போது, தமிழர்களும் புலிக்கொடிகளில் விடுதலைப்புலிகள் என்ற வாசகத்தை நீக்கிவிட்டு ஏற்றுவதில் என்ன தவறு இருக்கின்றது என கேள்வி எழுப்பியிருந்தார்.

இவ்வாறான செயற்பாடுகளை தடுக்காமலும், தமிழ் மக்களுக்கான சமத்துவம் வழங்கப்படாத நிலையிலும் எவ்வாறு ஏனைய விடயங்களை நாம் எதிர்பார்க்க முடியும் எனவும் நாடாளுமன்றில் சி.சிறீதரன் தெரிவித்திருந்தார்.




Facebook.com/sltnews

நாவற்குழியில் சட்டவிரோதமாக கட்டப்படும் விகாரையில் சமய அனுஷ்டானங்களில் ஈடுபட 300 பிக்குகள் யாழ்.வருகை




தென்னிலங்கை அமைப்பொன்றை சேர்ந்த 300 க்கும் அதிகமான பௌத்த பிக்குகள் நாளைய தினம் யாழ்ப்பாணத்திற்கு வருகை தந்து சமய அனுஷ்டானங்களில் ஈடுபடவுள்ளதாக தகவல்கள் வெளியாகியுள்ளன.

நாவற்குழியில் தேசிய வீடமைப்பு அதிகார சபைக்கு சொந்தமான காணியில் சிங்கள மக்கள் வாழ்ந்து வருகின்றனர். அவர்கள் வாழும் பிரதேசத்தில் கடந்த வாரம் பௌத்த விகாரை அமைப்பதற்கான அடிக்கல் நாட்டப்பட்டது.

குறித்த விகாரை சாவகச்சேரி பிரதேச செயலகத்தின் அனுமதி பெறப்படாமல் கட்டட வேலைகள் நடைபெற்றதனை அடுத்து பிரதேச செயலரினால் கட்டட வேலைகளை உடன் நிறுத்துமாறு எழுத்து மூலம் அறிவித்தல் விடுக்கப்பட்டுள்ளது.

அந்நிலையில் நாளைய தினம் வியாழக்கிழமை யாழ்ப்பாணத்திற்கு வருகை தரவுள்ள 300க்கும் அதிகமான பௌத்த பிக்குகள் நாவற்குழியில் விகாரை அமைப்பதற்கு அடிக்கல் நாட்டப்பட்ட இடத்தில் சமய அனுஷ்டானங்களில் ஈடுபடவுள்ளதாக தகவல்கள் வெளியாகியுள்ளன.

நாட்டின் கிழக்கு மற்றும் தென் பகுதியில் பௌத்த பிக்குகள் சிறுபான்மையின மக்களுக்கு எதிரான செயல்களில் ஈடுபட்டு வரும் நிலையில் , நாளைய தினம் யாழ்ப்பானத்திற்கு 300 க்கும் அதிகமான பௌத்த பிக்குகள் வருகை தரவுள்ளது குறிப்பிடத்தக்கது.

அதேவேளை கடந்த 18ஆம் திகதி கிளிநொச்சிக்கு வந்த தென்னிலங்கை அமைப்பு ஒன்று கிளிநொச்சி நகர் பகுதிகளில் சிறுபான்மையின மக்களை குறிக்கும் நிறமற்ற தேசிய கொடிகளை கட்டினர். அதன் பின்னர் யாழ்ப்பாணத்தில் கொடிகளை கட்ட என புறப்பட்ட அவர்கள் பின்னர் யாழ்ப்பானத்திற்கு வருகை தரவில்லை.

அந்த நிலையில் அன்றைய தினம் நள்ளிரவு பளை பகுதியில் போலீசார் மீது இனம் தெரியாத நபர்கள் துப்பாக்கி பிரயோகம் மேற்கொண்டு விட்டு தப்பி சென்று இருந்தனர். என்பதும் குறிப்பிடத்தக்கது


Facebook.com/sltnews

யாழ்.மேல் நீதிமன்றில் ஒரு திரிசங்கட நிலையில் வழக்கு. 12 வருடங்களின் பின்னர் விசாரணை.




16 வயதிற்கு உட்பட்ட பெண்ணை கடத்தியமை மற்றும்
அந்த பெண்ணை ஒரு மாதகாலம் தடுத்து வைத்து வன்புணர்வுக்கு உட்படுத்தியமை ஆகிய இரு குற்றங்கள்.

எதிரி, எதிரி கூண்டில் நிற்கிறார்.

பாதிக்கப்பட்ட பெண்ணின் தாய் மன்றில் மன்றாட்டமாக கேட்கிறார். " என் மகள் தற்போது நின்மதியாக வாழுகின்றார். அவரின் வாழ்க்கை சீரழிய கூடாது. அவர் இந்த வழக்குக்கு வந்து சாட்சியம் அளிக்க விரும்பவில்லை. அவருக்கு தற்போது திருமணம் ஆகி இரண்டு பிள்ளைகளுடனும் கணவனுடனும் சந்தோசமாக வாழ்கின்றார். எமக்கு நஷ்ட ஈடோ எதுவும் வேண்டாம். என் மகள் நின்மதியாக சந்தோசமாக வாழ வேண்டும். " என கோருகின்றார்.

எதிரி தரப்பு சட்டத்தரணி மன்றில் விண்ணப்பம் செய்கிறார். " இவருக்கு அப்போது 23 வயது. அந்த பெண்ணின் மீது காதல் கொண்டே அந்த பெண்ணை வீட்டில் இருந்து அழைத்து சென்று குடும்பமாக வாழ்ந்துள்ளார். அப்போது அந்த பெண்ணிற்கு 16 வயது தாண்டி விட்டதாகவே எண்ணி இருந்தார். அந்த பெண் 18 வயதை தாண்டியதும் சட்ட ரீதியாக திருமணம் செய்யவே எண்ணி இருந்தார். ஆனால் சந்தர்ப்ப சூழ் நிலை காரணமாக அவர்கள் இருவரும் பிரிந்து தற்போது வேறு நபர்களை திருமணம் செய்து சந்தோசமாக வாழ்கின்றார்கள். இவருக்கும் தற்போது இரண்டு பிள்ளைகள் உண்டு மனைவியுடன் வாழ்ந்து வருகின்றார். எனவே இவருக்கு குறைந்த பட்ச தண்டனை வழங்க வேண்டும். " என விண்ணப்பம் செய்கிறார்.

நீதிபதி தீர்ப்பளிக்கையில் முதலாவது குற்றமான ஆட்கவர்தல் குற்றத்திற்காக எதிரிக்கு 05 ஆண்டுகளுக்கு ஒத்திவைக்கப்பட்ட 2 வருட கடூழிய சிறைத்தண்டனையும் , 5 ஆயிரம் தண்ட பணமும் , கட்ட தவறின் ஒரு வருட சிறை தண்டனையும் ,இரண்டாவது குற்றமான பாலியல் வன்புணர்வு குற்றத்திற்கு 05 ஆண்டுகளுக்கு ஒத்திவைக்கப்பட்ட 2 வருட கடூழிய சிறைத்தண்டனையும் , 05 ஆயிரம் ரூபாய் தண்ட பணமும் கட்ட தவறின் ஒரு வருட சிறைத்தண்டனையும் , பாதிக்கப்பட்ட பெண்ணிற்கு 25 ஆயிரம் ரூபாய் நஷ்ட ஈடும் அதனை கட்ட தவறின் 5 ஆண்டு சிறை தண்டனையும் என விதித்து தீர்ப்பளித்தார்.

பாதிக்கப்பட்ட பெண்ணின் தாயார் நஷ்ட ஈட்டு தொகையினை பெற்றுக்கொள்ள மறுப்பு தெரிவித்தமையால் நஷ்ட ஈட்டு தொகை அரச நிதியில் சேர்க்கப்பட்டது.


Facebook.com/sltnews

மகிந்தவை மிஞ்சிய மைத்திரியின் எளிமை!! இந்த யுகத்தில் இப்படியா மைத்திரி




ஜனாதிபதி மைத்திரிபால சிறிசேன அவுஸ்திரேலியாவுக்கு உத்தியோகபூர்வ விஜயமொன்றை மேற்கொண்டுள்ளார்.

நேற்றைய தினம் அவர் இலங்கையிலிருந்து புறப்பட்டார். சிங்கப்பூர் சென்று அங்கிருந்து அவர் அவுஸ்திரேலியா நோக்கி பயணமாகியிருந்தார்.


இந்நிலையில் அவருடன் புறப்பட்ட பிரதி அமைச்சர் ஹர்ச டீ சில்வா, சிங்கப்பூரில் இருந்து அவுஸ்திரேலியா நோக்கி பயணித்த போது ஜனாதிபதி மைத்திரிபால சிறிசேனவின் எளிமை தொடர்பில் தனது உத்தியோகபூர்வ பேஸ்புக் பக்கத்தில் குறிப்பிட்டிருந்தார்.

பேஸ்புக்கில் படமொன்றையும் பகிர்ந்திருந்தார்.

இலங்கை ஜனாதிபதி, விமானத்தில் வியாபார வகுப்பில் முன் பின் தெரியாத பயணியொருவரின் அருகில் சகஜமாக அமர்ந்து வருவதாகவும், இதைப்போலவே பிரதமர் மற்றும் அவரது மனைவியும், பயணிப்பதாகவும், முன்னைய ஆட்சியைப் போல இல்லையெனவும் தெரிவித்திருந்தார்.

மேலும் மஹிந்தவின் ஆட்சிக்காலத்தில் நிலமை இவ்வாறு இல்லையெனவும், அவரது ஆடம்பரம் தொடர்பிலும் கடுமையாக சாடியிருந்தார் ஹர்ச.

அவரது பேஸ்புக் பதிவிற்கு ஒரு சிலர் வரவேற்பை தெரிவித்துள்ள போதிலும், சிலர் அதனை கடுமையாக சாடியுள்ளனர்.

மக்களின் பொருளாதார சுமைக்கு மத்தியில் . அமைச்சர்களுக்கு ஆடம்பர வாகனங்களை அரசாங்கம் வழங்குகின்ற நிலையில், இத்தகைய விடயங்கள் வெறும் கண்துடைப்பெனவும் கூறியிருந்தனர்.

ஒப்பீடுகள் போதும், தற்போது மக்கள் களைப்படைந்து விட்டனர், செயலில் இறங்குங்கள் எனவும் பலர் தெரிவித்துள்ளனர்.

அவர்களின் பதிவுகளுக்கு ஹர்ச டி சில்வாவும் பதிலுக்கு பதில் வழங்கி வருகின்றார்.


Facebook.com/sltnews

Tuesday, May 23, 2017

பிரித்தானியாவில் தீவிரவாத தாக்குதலில் ஈடுபட்ட நபரின் புகைப்படம் வெளியானது! பரபரப்பு தகவல்கள்




பிரித்தானியாவின் மான்செஸ்டர் பகுதியில் தீவிரவாத தாக்குதலில் ஈடுபட்ட நபரின் புகைப்படம் தற்போது வெளியாகியுள்ளது.

பிரித்தானியாவின் Manchester பகுதியில் உள்ள Hunts Bank என்ற இடத்தில் அமைந்துள்ள Manchester Arena-வில் உள்ள உள்விளையாட்டு அரங்கில் அமெரிக்காவின் பிரபல பாப் பாடகியான Ariana Grande-ன் சிறப்பு நிகழ்ச்சி நடைபெற்றது.

அப்போது தீவிரவாதி நடத்திய தற்கொலைப்படை வெடிகுண்டு தாக்குதலால் 22 பேர் பலியாகினர் மற்றும் 119 பேர் காயங்களுடன் மருத்துவமனையில் சிகிச்சை பெற்று வருகின்றனர்.

இதில் எட்டு வயது குழந்தை Saffie Roussos, 18-வயதுடைய Georgina Callander மற்றும் 26-வயதுடைய John Atkinson ஆகியோரும் உயிரிழந்துள்ளனர். மேலும் இந்த கொடூர தாக்குதலால் 12 குழந்தைகளுக்கு காயங்கள் ஏற்பட்டுள்ளதாக கூறப்படுகிறது.


இந்த தாக்குதலுக்கு ஐஎஸ் தீவிரவாத இயக்கம் பொறுப்பேற்றுள்ளது. இந்நிலையில் இது தொடர்பாக பொலிசார் அப்பகுதியில் உள்ள அதாவது மான்செஸ்டரில் உள்ள வீடுகளில் அதிரடி சோதனையில் ஈடுபட்டனர்.

அப்போது தற்கொலைப் படைத் தாக்குதல் நடத்திய நபரின் பெயர் Salman Abedi என்று தெரியவந்துள்ளது. இவர் பிரித்தானியாவின் மான்செஸ்டர் பகுதியில் 1994-ஆம் ஆண்டு பிறந்துள்ளார்.

இவரது குடும்பம் லிபியாவைச் சேர்ந்தது. அங்கிருந்து அகதியாக வந்து பிரித்தானியாவில் குடியேறியுள்ளனர்.

Salman Abedi-க்கு பிரித்தானிய குடியுரிமை உள்ளதாக கூறப்படுகிறது. அவருடன் மூன்று பேர் உடன் பிறந்தவர்கள் என்றும் அவர்களில் இரண்டு பேர் சகோதரர்கள் மற்றும் ஒருவர் சகோதரி என்று தெரியவந்துள்ளது.

கடந்த வாரம் Salman Abedi அந்த வீதியில் இஸ்லாமிய சம்பந்தமான வார்த்தைகளை கத்திய படியே சென்றதாக, அருகில் இருப்பவர்கள் தெரிவித்துள்ளனர்.

மேலும் அவர் கடந்த சில மாதங்களாகவே இஸ்லாமிய உடைகளை அணிந்த படியே சென்றதாகவும் கூறப்படுகிறது.

Salman Abedi, Know Your Chemicals-என்ற புத்தகத்தை வாங்கி படித்துள்ளார் என்றும் அவரது சகோதரர் ஒருவரை பொலிசார் கைது செய்து விசாரணை மேற்கொண்டு வருவதாக கூறப்படுகிறது.

அவரை தீவிரவாதிகள் ஏதேனும் காரணங்களை கூறி, மனதை மாற்றியிருக்கலாம், அல்லது இவருக்கு ஏற்கனவே தீவிரவாதிகளுடன் தொடர்பு இருந்ததா என்ற கோணத்திலும் பொலிசார் விசாரணை மேற்கொண்டு வருகின்றனர்.

முதலில் அவர் தொடர்பான தகவல்கள் தெரிவிக்கப்பட்டிருந்த நிலையில், தற்போது Salman Abedi-யின் புகைப்படம் வெளியாகியுள்ளது.

மேலும் Salman Abedi தாக்குதல் நடத்திய போது சம்பவ இடத்திலே அவர் உயிரிழந்துவிட்டதாக பொலிசார் தெரிவித்துள்ளனர்.
பிரித்தானியாவிற்கு இது தான் ஆரம்பம், புனிதப்போர் தொடங்கிவிட்டது என்று ஐஎஸ் தீவிரவாதிகள் மிரட்டல் வீடியோ ஒன்றை வெளியிட்டிருந்தனர் என்பது குறிப்பிடத்தக்கது.




Facebook.com/sltnews

இதுதான் மோடியின் “டிஜிட்டல்” இந்தியாவா?




செய்தி- இந்தியாவின் மகராஷ்ரா மாநிலத்தில் சோறு திருடியதாக இரு குழந்தைகள் மொட்டை அடித்து செருப்பு மாலை அணிவித்து தண்டனை

ஒரு லட்சம் கோடி ரூபாவை 2 ஜியில் ஊழல் செய்த கலைஞர் கருணாநிதிக்கு வைர விழா. ஆனால் பசிக்கு சோறு திருடிய குழந்தைகளுக்கு செருப்பு மாலை.

குழந்தைகளுக்கு சோறு போட வக்கில்லாத மோடி அரசு பல கோடி ரூபாயில் செவ்வாய்க்கு ராக்கட் விடுகிறதாம்.

இந்தியாவில் 40 வீதமான மக்களுக்கு கக்கூஸ் கூட இல்லை. ஆனால் இலங்கையில் 60 ஆயிரம் வீடுகள் மோடி அரசு கட்டிக் கொடுக்கப் போகுதாம்.

இதுகூடப் பரவாயில்லை. ஒரிசா மாநிலத்தில் அம்புலன்ஸ் வசதி இல்லை என்பதால் தன் இறந்துபோன மனைவியின் உடலை ஒருவர் 6 மைல் தூரம் தோளில் காவிச் சென்றுள்ளார். ஆனால் மோடி அரசு இலங்கையில் அம்புலன்ஸ் சேவை நடததப் போகிறதாம்.

இதுதான் மோடியின் டிஜிட்டல் இந்தியா. இந்த மோடிதான் இந்து தமிழீழத்திற் உதவ் பொகிறார் என்று சென்னையில் இருக்கும் நம்ம காசி அனந்தன் அய்யா கூறுகிறார்.

ஒருவேளை டிஜிட்டல் இந்தியா போன்று இந்து தமிழீழமும் டிஜிட்டல் தமிழீழமாக மலருமோ?


Facebook.com/sltnews

கொழும்பில் தொலைக்காட்சி செய்தி வாசிக்கும் பெண் கடத்தப்பட்டு நிர்வாணமாகப் படம் பிடிக்கப்பட்ட சம்பவம்.




கொழும்பில் பிரபல தொலைக்காட்சி நிலையம் ஒன்றில் செய்தி வாசிப்பாளராகக் கடமையாற்றும் பெண்ணொருவர் இனம் தெரியாத நபர்களால் கடத்தப்பட்டு, நிர்வாணமாக்கப்பட்டுப் புகைப்படம் எடுக்கப்பட்டு, நகைகளும் கொள்ளையடிக்கப்பட்ட பின்னர் நடுவீதியில் இறக்கிவிடப்பட்டதாகச் செய்திகள் வெளியாகியுள்ளன.

குறிப்பிட்ட ஒரு தொலைக்காட்சியில் செய்தி வாசிப்பாளராக கடமையாற்றும் குறித்த பெண் தனது வேலை நேரம் முடிந்து, அங்கு பணி புரியும் சக ஆண் ஒருவருடன் மோட்டார் சைக்கிளில் வீடு சென்ற வேளையில் வெள்ளை வேனில் வந்த இனம் தெரியாத நபர்கள் துப்பாக்கி முனையில் அவ்விருவரையும் கடத்தியுள்ளனர்.

இந்தச் சம்பவம் கடந்த 19ம் திகதி, மஹரகம ரத்மல்தெனிய பிரதேசத்தில் வைத்து இடம்பெற்றதாக பொலிஸில் குறித்த பெண்ணினால் முறைப்பாடு செய்யப்பட்டுள்ளது. தான் கடத்தப்பட்ட பின்னர் கடத்தல்காரர்களினால் தான் நிர்வாணமாக்கப்பட்டு புகைப்படம் எடுக்கப்பட்டதாகவும், அதன் பின்னர் தன்னிடமிருந்த தங்க ஆபரணங்களையும் கொள்ளையடித்த மர்ம நபர்கள் இறுதியில் கொட்டாவ இரயில் பாலத்திற்கருகில் இறக்கிவிட்டதாகவும் பொலிஸ் முறைப்பாட்டில் குறிப்பிடப்பட்டுள்ளது.


Facebook.com/sltnews

இலங்கையில் இளம் பெண் மருத்துவர் சடலமாக




சந்தேகத்திற்கிடமான வகையில் உயிரிழந்த பெண் மருத்துவர் ஒருவரின் சடலத்தை நுவரெலியா பொலிசார் மீட்டுள்ளனர.

குறித்த பெண் மருத்துவர், இன்று (23) வைவத்தியசாலைக்கு சமூகம் தராததையடுத்து, அவருடன் பணிபுரியும் சக மருத்துவர்கள் அவர் தங்கியிருந்த மருத்துவர் விடுதியை பரீட்சித்தபோது, அவர் சடலமாக கிடப்பதை அவதானித்துள்ளனர்.

31 வயதான கிரிபத்கொட பிரதேசத்தைச் சேர்ந்த குறித்த மருத்துவர், தற்கொலைக்கு முயற்சி செய்திருக்கலாம் என பொலிசார் சந்தேகிக்கின்றனர்.

அவர், போதிய அளவிலும் பார்க்க மிகையான அளவில், மயக்கம் தரக்கூடிய மருந்தை ஊசி மூலம் உடலுக்குள் செலுத்தியிருக்கலாம் என சந்தேகிக்கப்படுகின்றது.


Facebook.com/sltnews

ருசிக்காக சாப்பிடாமல் பசிக்காக சாப்பிடுபவனே #வெளிநாட்டுவாசி படித்ததில் வலித்தது..




துபாயில் தமிழ் ஹோட்டல் ஒன்றில் மதியம் சாப்பிட்டுக்கொண்டிருந்தேன்.
நடுத்தர வயதுடைய ஒருவர் அங்கே வந்து "சாப்பிட என்ன இருக்கு" என கேட்டார்.
அவர்கள் மட்டன் பிரியாணி, சிக்கன் பிரியாணி என்றனர்.
இவர் "எவ்வளவு" என கேட்டார். அவர்கள் "சிக்கன் 10 திர்ஹம் மட்டன் 12 திர்ஹம்" என்றனர்.
"சரி சரி அதெல்லாம் வேணாம். எனக்கு ஒரு டீயும், ரெண்டு பரோட்டா மட்டும் கொடு" என்று சொல்லி எனக்கு அருகில் உள்ள நாற்காலியில் அமர்ந்தார்.
உடனே ஹோட்டல் சர்வர் அவரிடம் "இதையெல்லாம் இங்கே உட்கார்ந்து சாப்பிடக்கூடாது. பார்சல் வாங்கிட்டு போய் வெளியே சாப்பிடுங்க" என்று அனுப்பிவிட்டார்.
எனக்கோ மனசு ஒரு மாதிரி ஆயிடுச்சு. பாதி சாப்பாட்டோடு வெளியே ஓடி அவரிடம் "அண்ணே உள்ளே வந்து என்கூட உட்கார்ந்து பிரியாணி சாப்பிட வாங்கண்ணே. நா காசு கொடுக்கறேன். பார்க்கவே மனசு கஷ்டமாயிருக்கு"என்று அவரிடம் பலமுறை கெஞ்சுகிறேன்.
ஆனால் அவரோ "தப்பா நெனக்காதீங்க, எனக்கு அடுத்தவங்க காசுல வாங்கி சாப்பிட்டு பழக்கம் இல்லை. எனக்கு 700 திர்ஹம் (12,500 ரூபாய்) தான் சம்பளம் இதுலையே தான் சாப்பிட்டு செலவு பண்ணனும். இவ்வளவு காசு கொடுத்து இங்கே சாப்பிட்டா ஊருக்கு பணம் அனுப்ப முடியாது. இன்னைக வெள்ளிக்கிழமை அசதில தூங்கிட்டதால சமைக்க நேரம் இல்லை. இருக்குற பசிக்கு இதுபோதும்" என்று திட்டவட்டமாக சொல்லிட்டார்.
என்னை அறியாமல் கண்களில் இருந்து கண்ணீரோடு திரும்பி ஓட்டல் முதலாளியிடம் இனி இதுபோன்ற செய்யாதீர்கள் என்று என் ஆதங்கத்தை வெளிப்படுத்தினேன்.
வெளிநாடு வெளிநாடு என்று பல கனவுகளோடு அலையும் இளைஞர்களே இதுதான் #வெளிநாட்டு_வாழ் க்கை
ருசிக்காக சாப்பிடாமல் பசிக்காக சாப்பிடுபவனே #வெளிநாட்டுவாசி
படித்ததில் வலித்தது..


Facebook.com/sltnews