Sunday, July 23, 2017

நீதிபதி இளஞ்செழியனைச் சுட முயன்றவன் தப்பிச் செல்லும பரபரப்பான காட்சிகள் இதோ (Photos) Share




நீதிபதி இளஞ்செழியனைச் சுட முயன்று அவரது பாதுாவலரை சுட்டுக் கொன்றவன் மிக வேகமாக மோட்டார் சைக்கிளில் செல்லும் காட்சிகள் வெளியாகியுள்ளதாக தெரியவருகின்றது.
தலைக்கவசம் இன்றி அவன் கண்டி வீதியால் பயணிப்பதை சி.சி.ரிவி கமராக்கள் பதிவு செய்துள்ளதாகத் தெரியவருகின்றது. இதே வேளை கொலை செய்தவன் தலைக்கவசம் இன்றி மிக வேகமாகச் செல்லும் காட்சியின் புகைப்படம் எமக்குக் கிடைத்துள்ளது என நியுதமிழ்ஸ்.கொம் செய்தி வெளியிட்டுள்ளது
newtamils.com



-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-
www.facebook.com/sltnews

www.youtube.com/channel/UClKoydhrmaq62unPGYJRilA

Twitter @SLTamilnews

எமது முகநூல் பக்கம் மற்றும் blogger பக்கத்தில் வெளியிடப்படும் அனைத்து செய்திகளும் சமகாலத்தில் வெவ்வேறு இணையத்தளங்களில் வெளியான செய்திகளும் முகநூல்களில் பிரசுரிக்கப்படும் செய்திகளுமே ஆகும்!
எனவே எந்த செய்திகளுக்கும் நாங்கள் பொறுப்பல்ல!

நீதிபதி இளஞ்செழியன் தொடர்பில் ஜனாதிபதியின் உத்தரவு





யாழ் மேல் நீதிமன்ற நீதிபதி இளஞ்செழியன் மீதான துப்பாக்கி சூட்டுத் தாக்குதலுக்கு ஜனாதிபதி மைத்திரிபால சிறிசேன கண்டனம் வெளியிட்டுள்ளார்.

யாழ் மேல்நீதிமன்ற நீதிபதி எம். இளஞ்செழியன் பயணம் செய்த வேளை நேற்று நல்லூர் பிரதேசத்தில் வைத்து இந்த தாக்குதலில் உயிரிழந்த பொலிஸ் உத்தியோகத்தர் சரத் பிரேமசந்திரவின் மறைவுக்கும் தனது ஆழ்ந்த அனுதாபங்களை தெரிவித்துள்ளார்.

இந்த சம்பவத்தை அடுத்து நீதிபதியின் பாதுகாப்பு குறித்து கவனம் செலுத்தியுள்ள ஜனாதிபதி, அனைத்து நீதிபதிகளினதும் பாதுகாப்பு தொடர்பில் விசேட நிகழ்ச்சித்திட்டமொன்றை நடைமுறைப்படுத்துமாறு பொலிஸ் மா அதிபருக்கு பணிப்புரை வழங்கியுள்ளார்.

விசேட பொலிஸ் குழுக்களை அமைத்து இந்த சம்பவம் தொடர்பாக விரிவான விசாரணைகளை உடனடியாக மேற்கொள்ளுமாறும் பொலிஸ்மா அதிபர் உள்ளிட்ட பாதுகாப்பு தரப்பினருக்கு ஜனாதிபதி ஆலோசனை வழங்கியுள்ளார்.

உயிரிழந்த பொலிஸ் அதிகாரியின் மறைவையிட்டு அவரது குடும்ப உறுப்பினர்களுக்கு தனது ஆழ்ந்த அனுதாபங்களை தெரிவித்துள்ள ஜனாதிபதி, தமது கடமையை சரியாக செய்கின்ற இத்தகைய உத்தியோகத்தர்கள் முழு அரச சேவைக்கும் பொலிஸ் திணைக்களத்திற்கும் முன்னுதாரணமாகும் என்றும் தெரிவித்துள்ளார்.

சம்பவத்தில் காயமடைந்த பொலிஸ் அதிகாரி விரைவாக குணமடைய வேண்டும் என தான் பிரார்த்திப்பதாகவும் ஜனாதிபதி மேலும் குறிப்பிட்டுள்ளார்.





-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-
www.facebook.com/sltnews

www.youtube.com/channel/UClKoydhrmaq62unPGYJRilA

Twitter @SLTamilnews

எமது முகநூல் பக்கம் மற்றும் blogger பக்கத்தில் வெளியிடப்படும் அனைத்து செய்திகளும் சமகாலத்தில் வெவ்வேறு இணையத்தளங்களில் வெளியான செய்திகளும் முகநூல்களில் பிரசுரிக்கப்படும் செய்திகளுமே ஆகும்!
எனவே எந்த செய்திகளுக்கும் நாங்கள் பொறுப்பல்ல!

மட்டக்களப்பு மாவட்ட தமிழ் ஊடகவியலாளர்களுக்கு எதிராக பொலிஸில் முறைப்பாடு




மட்டக்களப்பு மாவட்ட தமிழ் ஊடகவியலாளர் ஒன்றியத்தின் தலைவர் மற்றும் செயலாளர் உட்பட மூன்று ஊடகவியலாளர்கள் மட்டக்களப்பு பொலிஸ் நிலையத்திற்கு அழைக்கப்பட்டு, வாக்குமூலம் பெறப்பட்டுள்ளது.

மட்டக்களப்பு மாவட்ட அரசாங்க அதிபரால் குறித்த ஊடகவியலாளருக்கு எதிராக, மட்டக்களப்பு மாவட்ட பிரதிப்பொலிஸ் மா அதிபர் ஊடாக முறைப்பாடு ஒன்று செய்யப்பட்டுள்ளது.

இந்த முறைப்பாடு தொடர்பாக வாக்குமூலம் பெற்றுக்கொள்வதற்காகவே குறித்த ஊடகவியலாளர்கள் பொலிஸ் நிலையத்திற்கு அழைக்கப்பட்டுள்ளனர்.

மட்டக்களப்பு மாவட்ட செயலகத்தில் இடம்பெற்ற ஊழல் தொடர்பில் இணையத்தளம் ஒன்றில் வெளிவந்த செய்திகளுக்கு எதிராக ஊடகவியலாளர்களான வா.கிருஸ்ணகுமார், செ.நிலாந்தன், ஏ.நிதாகரன் ஆகியோர் மீது குறித்த முறைப்பாடு செய்யப்பட்டுள்ளது.

இது தொடர்பில் மட்டக்களப்பு மாவட்ட தமிழ் ஊடகவியலாளர் ஒன்றியம் கருத்துத் தெரிவிக்கையில்,

அண்மைக்காலமாக மட்டக்களப்பில் இருந்து வெளிவரும் செய்திகள் தொடர்பில் ஊடகவியலாளர்களை அச்சுறுத்தும் செயற்பாடுகள் மாவட்ட அரசாங்க அதிபரினால் பொலிஸ் நிலையம் ஊடாக மேற்கொள்ளப்பட்டு வருகின்றது.

ஜனநாயகத்தின் குரல் வளையினை நசுக்கி சர்வாதிகார போக்குடன் ஒரு அரச அதிபர் செயற்படுவதை ஊடக சமூகம் ஒருபோதும் ஏற்றுக்கொள்ளாது.

தற்போது அரச அதிபருக்கு எதிராக அரசியல்வாதிகளும் பொது அமைப்புகளும் ஒன்றிணைந்துள்ள நிலையில் அது தொடர்பான செய்திகளை வெளிப்படுத்தவேண்டிய பொறுப்பு ஊடகவியலாளர்களுக்கு உள்ளது.

அதனைச் செய்யும்போது ஊடகவியலாளர்களை அச்சுறுத்த முனைவது ஜனநாயக விரோத போக்காகவே கருத வேண்டியுள்ளது.

எனவே இதனை மட்டக்களப்பு மாவட்ட தமிழ் ஊடகவியலாளர் ஒன்றியம் வன்மையாக கண்டித்துள்ளதுடன் இதற்கு எதிராக எதிர்காலத்தில் ஜனநாயக ரீதியான நடவடிக்கைகளை ஒன்றியம் முன்னெடுக்கவுள்ளது என தெரிவிக்கப்பட்டுள்ளது.


-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-
www.facebook.com/sltnews

www.youtube.com/channel/UClKoydhrmaq62unPGYJRilA

Twitter @SLTamilnews

எமது முகநூல் பக்கம் மற்றும் blogger பக்கத்தில் வெளியிடப்படும் அனைத்து செய்திகளும் சமகாலத்தில் வெவ்வேறு இணையத்தளங்களில் வெளியான செய்திகளும் முகநூல்களில் பிரசுரிக்கப்படும் செய்திகளுமே ஆகும்!
எனவே எந்த செய்திகளுக்கும் நாங்கள் பொறுப்பல்ல!

கண்ணீர் விட்டழுத நீதிபதி இளஞ்செழியன் யாரும் பாத்திராத மனதை நெகிழ வைத்த சம்பவம்



YouTube Video

-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-
www.facebook.com/sltnews

www.youtube.com/channel/UClKoydhrmaq62unPGYJRilA

Twitter @SLTamilnews

எமது முகநூல் பக்கம் மற்றும் blogger பக்கத்தில் வெளியிடப்படும் அனைத்து செய்திகளும் சமகாலத்தில் வெவ்வேறு இணையத்தளங்களில் வெளியான செய்திகளும் முகநூல்களில் பிரசுரிக்கப்படும் செய்திகளுமே ஆகும்!
எனவே எந்த செய்திகளுக்கும் நாங்கள் பொறுப்பல்ல!

தமிழின அழிப்பின் அடையாளமான ஜுலை கலவரம் ஏற்பட்டு 34 ஆண்டுகள் பூர்த்தி




தமிழின அழிப்பின் அடையாளமான ஜுலை கலவரம் ஏற்பட்டு 34 ஆண்டுகள் பூர்த்தி
யாழ்ப்பாணம் திருநெல்வேலியில் விடுதலை புலிகளால் நடத்தப்பட்ட தாக்குதலில் 13 இராணுவத்தினர் கொல்லப்பட்டதை தொடர்ந்து கடும்போக்குவாத சிங்களவர்களால் தமிழர்களை இலக்குவைத்து நாடாவிய ரீதியில் முன்னெடுக்கப்பட்ட கலவரம் ஆரம்பித்து இன்றுடன் 34 ஆண்டுகள் நிறைவடைகின்றன.

இராணுவத்தின் மீதான தாக்குதலை தொடர்ந்து தொடர்ச்சியாக இரண்டு வாரங்கள் தமிழர்கள் மற்றும் அவர்களின் சொத்துக்கள் மீது நடத்தப்பட்ட தாக்குதலில் மூவாயிரம் பேர் வரை கொல்லப்பட்டதுடன், பாரிய சொத்து அழிவுகளும் ஏற்படுத்தப்பட்டிருந்தது.


8 ஆயிரம் வீடுகளும் 5 ஆயிரம் வர்த்தக நிலையங்களும் அழிக்கப்பட்டதுடன், ஒரு இலட்சத்து 50 ஆயிரம் பேர் வீடுகள் அற்றவர்களாக மாறியிருந்தனர்.

இந்த கலவரத்தின் பின்னர் பல்லாயிரக்கணக்கான தமிழர்கள் புகலிடம் கோரி வெளிநாடுகளில் தஞ்சமடைந்திருந்தனர்.

இந்த கலவரத்தின் ஒருங்கிணைப்பு முறையானது, ஒர் திட்டமிட்ட செயற்பாடு என்ற பல்வேறு தமிழ் தரப்பினர் தற்போதும் நம்புவதுடன், இலங்கையின் இனப் பிரச்சினை ஆயுதப் போராட்டமாக பரிணமிப்பதற்கும் இந்த சம்பவமே அடித்தளமிட்டிருந்தது.

விடுதலை புலிகளுக்கு எதிரான யுத்தம் இராணுவ ரீதியில் முடிவுக்கொண்டுவரப்பட்ட நிலையில், தமிழ் மக்களின் பிரச்சினைக்கான தீர்வு தொடர்ந்தும் இழுத்தடிக்கப்பட்டுவருகின்றமை குறிப்பிடத்தக்கது.


-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-
www.facebook.com/sltnews

www.youtube.com/channel/UClKoydhrmaq62unPGYJRilA

Twitter @SLTamilnews

எமது முகநூல் பக்கம் மற்றும் blogger பக்கத்தில் வெளியிடப்படும் அனைத்து செய்திகளும் சமகாலத்தில் வெவ்வேறு இணையத்தளங்களில் வெளியான செய்திகளும் முகநூல்களில் பிரசுரிக்கப்படும் செய்திகளுமே ஆகும்!
எனவே எந்த செய்திகளுக்கும் நாங்கள் பொறுப்பல்ல!

நீதிபதி இளஞ்செழியனை சுட்டவன் செத்திருந்தால் இன்று யாழ்ப்பாணம் தலை கீழ்




நேற்றய தினம் நடைபெற்ற துப்பாக்கிச்சூட்டு சம்பவம் வெறியில் வீட்டிலும் மரக்காலையிலும் சண்டை பிடித்த முன்னாள் போராளி ஒருவர் எல்லாரும் பொறுங்கோ செய்கிறன் வேலை என்று சொல்லி வீதியில் அடாவடி செய்த போது தட்டிக்கேட்ட நீதிபதியின் பாதுகாப்பு பொலிசின் துப்பாக்கியை பறித்து வயிற்றில் சுட்ட பின்னர் வழிப்போக்கரின் மோட்டர் சைக்கிளை பறித்துக் கொண்டு சென்றார்.

இதன் போது காயமடைந்த பொலிஸ் உத்தியோகத்தர் பரிதாபமாக உயிரிழந்தார். சில நேரம் குறித்த பொலிஸ் உத்தியோகத்தர் தனது துப்பாக்கியை பறிக்க வரும் போது குறித் முன்னால் போராளியை சுட்டுக் கொண்றிருந்தால் இன்று யாழ்ப்பாணத்தின் நிலை எப்படி இருக்கும்?


இப்போ இறந்த பொலிஸ் உத்தியோகத்தருக்கு அஞ்சலி சொல்லுபவனை விட எத்தனை பேர் பொலிஸ்காரனை உள்ள போடும் வரை உண்ணாவிரதம் இருந்திருப்பாங்கள்!!!

தமிழன் இதை உணருவானா தேசியம் பேசும் பலர் இதைற்கு என்ன பதில்....


-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-
www.facebook.com/sltnews

www.youtube.com/channel/UClKoydhrmaq62unPGYJRilA

Twitter @SLTamilnews

எமது முகநூல் பக்கம் மற்றும் blogger பக்கத்தில் வெளியிடப்படும் அனைத்து செய்திகளும் சமகாலத்தில் வெவ்வேறு இணையத்தளங்களில் வெளியான செய்திகளும் முகநூல்களில் பிரசுரிக்கப்படும் செய்திகளுமே ஆகும்!
எனவே எந்த செய்திகளுக்கும் நாங்கள் பொறுப்பல்ல!

நீதிபதி இளஞ்செழியன் மீதான தாக்குதல் சம்பவத்தின் பின்னணியில் முன்னாள் போராளி? இருவர் கைது




யாழ். மேல் நீதிமன்ற நீதிபதி மா.இளஞ்செழியனை இலக்கு வைத்து மேற்கொள்ளப்பட்ட துப்பாக்கிச் சூட்டு சம்பவம் தொடர்பில் இருவர் கைது செய்யப்பட்டுள்ளதாக தெரிவிக்கப்பட்டுள்ளது.

இந்த சம்பவத்தின் பிரதான சந்தேகநபராக கருதப்படும் முன்னாள் போராளி ஒருவரின் நண்பர்கள் இருவரே இவ்வாறு கைது செய்யப்பட்டுள்ளதாக எமது யாழ்.பிராந்திய செய்தியாளர் தெரிவித்துள்ளார்.

பிரதான சந்தேகநபருடன் குறித்த இருவரும் நேற்றைய தினம் மது அருந்தியுள்ளதாக தெரிவிக்கப்பட்டுள்ளது.

இந்நிலையில், விசாரணைகளுக்காக அழைக்கப்பட்ட நிலையில் இருவரும் கைது செய்யப்பட்டுள்ளதாக தெரிவிக்கப்படுகின்றது.

இந்த சம்பவத்துடன் தொடர்புடைய பிரதான சந்தேகநபர் யாழ். புங்குடுதீவைச் சேர்ந்த புனர்வாழ்வு பெறாத முன்னாள் போராளி ஒருவர் என தெரிவிக்கப்படுகின்றது.

இந்நிலையில், சம்பவம் தொடர்பில் பொலிஸார் மேலதிக விசாரணைகளை முன்னெடுத்துள்ளனர்.

இதேவேளை, நேற்றைய தினம் நல்லூர் பகுதியில் வைத்து, நீதிபதி இளஞ்செழியன் மீது மர்ம நபர் ஒருவர் துப்பாக்கிப் பிரயோகம் மேற்கொண்டிருந்தார்.

இந்த சம்பவத்தில் படுகாயமடைந்திருந்த நீதிபதி மா.இளஞ்செழியனின் மெய்ப்பாதுகாவலர் ஒருவர் உயிரிழந்துள்ளார் என்பதும் குறிப்பிடத்தக்கது.


-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-
www.facebook.com/sltnews

www.youtube.com/channel/UClKoydhrmaq62unPGYJRilA

Twitter @SLTamilnews

எமது முகநூல் பக்கம் மற்றும் blogger பக்கத்தில் வெளியிடப்படும் அனைத்து செய்திகளும் சமகாலத்தில் வெவ்வேறு இணையத்தளங்களில் வெளியான செய்திகளும் முகநூல்களில் பிரசுரிக்கப்படும் செய்திகளுமே ஆகும்!
எனவே எந்த செய்திகளுக்கும் நாங்கள் பொறுப்பல்ல!

நீதிபதி இளஞ்செழியன் மீது துப்பாக்கிச்சூடு நடத்திய சூத்திரதாரியின் மோட்டார் சைக்கிள் மீட்பு




நீதிபதி இளஞ்செழியன் மீது துப்பாக்கிச்சூடு நடத்திவிட்டு தப்பிச் சென்றவரின் மோட்டார் சைக்கிளை பொலிஸார் கைப்பற்றியுள்ளனர்.

குறித்த மோட்டார் சைக்கிளை யாழ். அரியாலை பகுதியில் வைத்து இன்று காலை மீட்டுள்ளதாக பொலிஸார் தெரிவித்துள்ளனர்.

யாழ். மேல் நீதிமன்ற நீதிபதி மா.இளஞ்செழியன் மீது நல்லூர் பகுதியில் வைத்து நேற்று மாலை துப்பாக்கிப் பிரயோகம் மேற்கொள்ளப்பட்டிருந்தது.

குறித்த தாக்குதலை மேற்கொண்ட நபர் அங்கிருந்து மோட்டார் சைக்கிளில் லிங்கம் கூல் பார் வழியாக தப்பிச் சென்றிருந்தார்.

இந்த நிலையில் குறித்த மோட்டார் சைக்கிளை பொலிஸார் அரியாலை பகுதியில் வைத்து கண்டுபிடித்துள்ளனர்.

எனினும், நீதிபதி மா.இளஞ்செழியனை இலக்கு வைத்து மேற்கொள்ளப்பட்ட துப்பாக்கிச் சூட்டு சம்பவத்தில் இன்று இருவர் கைது செய்யப்பட்டுள்ளனர்.

மேலும் இந்த துப்பாக்கிச்சூட்டு சம்பவத்தில் கடந்த 17 வருடங்களாக நீதிபதியின் மெய்ப்பாதுகாவலராக பணியாற்றிய சிலாபத்தைச் சேர்ந்த 51 வயதுடைய ஹேமரத்ன என்பவர் உயிரிழந்திருந்தமை குறிப்பிடத்தக்கது.


-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-
www.facebook.com/sltnews

www.youtube.com/channel/UClKoydhrmaq62unPGYJRilA

Twitter @SLTamilnews

எமது முகநூல் பக்கம் மற்றும் blogger பக்கத்தில் வெளியிடப்படும் அனைத்து செய்திகளும் சமகாலத்தில் வெவ்வேறு இணையத்தளங்களில் வெளியான செய்திகளும் முகநூல்களில் பிரசுரிக்கப்படும் செய்திகளுமே ஆகும்!
எனவே எந்த செய்திகளுக்கும் நாங்கள் பொறுப்பல்ல!

காலில் மண்டியிட்டு கண்ணீர் விட்டழுது மன்னிப்பு கோரிய நீதிபதி இளஞ்செழியன்! மனதை நெகிழ வைத்த சம்பவம்




யாழ்ப்பாணத்தில் நேற்றைய தினம் மேற்கொள்ளப்பட்ட துப்பாக்கிச் சூட்டு சம்பவத்தில் உயிரிழந்த மெய்ப்பாதுகாவலருடைய உறவினர்களின் காலில் விழுந்து நீதிபதி மா. இளஞ்செழியன் அழுதுள்ளார்.

இந்த நிலையில், இன்றைய தினம் யாழ். போதனா வைத்தியசாலைக்குச் சென்ற நீதிபதி இளஞ்செழியன் மெய்ப்பாதுகாவலர்களின் உறவினர்கள் முன்பாக கதறி அழுது, தனது இரு கைகளையும் கூப்பி மெய்பாதுகாவலரின் மனைவியிடம் மன்னிப்பும் கோரியுள்ளார்.


அத்துடன், இந்தச் சம்பவத்தில் காயமடைந்து தற்பொழுது யாழ். போதனா வைத்தியசாலையில் சிகிச்சை பெற்றுவரும் மற்றைய மெய்ப்பாதுகாவலரை பார்வையிட்ட நீதிபதி, அவரைக் கட்டித்தழுவி ஆறுதல் அளித்துள்ளார்.

யாழ். நல்லூர் பகுதியில் வைத்து, நேற்றைய தினம் நீதிபதி இளஞ்செழியன் மீது இனந்தெரியாத நபர் ஒருவர் துப்பாக்கிப் பிரயோகம் மேற்கொண்டிருந்தார்.

இந்த சம்பவத்தில் நீதிபதி இளஞ்செழியனுக்கு 17 ஆண்டுகளாக, நம்பிக்கைக்குரியவராக இருந்த மெய்ப்பாதுகாவலர்கள் இருவர் மீது குண்டுகள் பாய்ந்து படுகாயம் அடைந்திருந்த நிலையில் வைத்தியசாலையில் அனுமதிக்கப்பட்டிருந்தனர்.

யாழ். போதனா வைத்தியசாலையில் அனுமதிக்கப்பட்டிருந்த சிலாபத்தை சேர்ந்த 51 வயதுடைய ஹேமரத்ன என்பவர் சிகிச்சை பலனின்றி உயிரிழந்திருந்தார்.

இதேவேளை, துப்பாக்கிச் சூட்டுச் சம்பவத்தை அடுத்து, யாழ்.மாவட்டத்தில் பதற்றமான சூழ்நிலை ஏற்பட்டுள்ளதுடன், அதிரடிப் படையினரின் பாதுகாப்பும் பலப்படுத்தப்பட்டுள்ள அதேவேளை, பொதுமக்கள் வீடுகளுக்குள் முடங்கியுள்ளதாகவும் தெரிவிக்கப்பட்டுள்ளது.


-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-
www.facebook.com/sltnews

www.youtube.com/channel/UClKoydhrmaq62unPGYJRilA

Twitter @SLTamilnews

எமது முகநூல் பக்கம் மற்றும் blogger பக்கத்தில் வெளியிடப்படும் அனைத்து செய்திகளும் சமகாலத்தில் வெவ்வேறு இணையத்தளங்களில் வெளியான செய்திகளும் முகநூல்களில் பிரசுரிக்கப்படும் செய்திகளுமே ஆகும்!
எனவே எந்த செய்திகளுக்கும் நாங்கள் பொறுப்பல்ல!

Saturday, July 22, 2017

நீதிபதி இளஞ்செழியன் கொலையில் கூலிப்படை




யாழ். மேல் நீதிமன்ற நீதிபதி மா.இளஞ்செழியன் மீது மேற்கொள்ளப்பட்ட துப்பாக்கிப்பிரயோகம் நன்கு திட்டமிட்டு மேற்கொள்ளப்பட்டுள்ளதாக நீதிபதி இளஞ்செழியன் சுட்டிக்காட்டியுள்ளார்.

காரணம், வழமையாக அவர் பயணம் மேற்கொள்ளும் பாதையை விடுத்து இன்று மாற்று பாதையொன்றிலேயே தனது வாகனத்தில் பயணித்துள்ளார்.


இருப்பினும் இதனை அறிந்த குறித்த இனம்தெரியாத நபர்கள் அவர் பயணித்த வாகனத்தை வழிமறித்து அவரது மெய்பாதுகாவலர்களிடம் இருந்து துப்பாக்கியை பறிக்க முற்பட்டுள்ளனர்.


இந்த சமயத்தில் ஏற்பட்ட குழப்ப நிலையிலேயே துப்பாக்கிப் பிரயோகம் மேற்கொள்ளப்பட்டுள்ளதாக நீதிபதி இளஞ்செழியன் தெரிவித்துள்ளார்.

யாழ். மாவட்டத்தில் அண்மைக்காலமாக அங்கு நடைபெறும் பாலியல் துஷ்பிரயோகங்கள் மற்றும் போதைப்பொருள் பாவனை என்பவற்றை கட்டுக்கோப்பில் வைத்திருக்க வேண்டிய முக்கிய பொறுப்பு நீதிபதி இளஞ்செழியனிடம் உள்ளது.

இதனால் பாலியல் துஷ்பிரயோகம் மற்றும் போதைப்பொருள் பாவனை போன்ற சட்டவிரோத நடவடிக்கைகளில் ஈடுபடுவோருக்கு நீதிபதி இளஞ்செழியன் பெரிதும் சிக்கலை ஏற்படுத்தியுள்ளார்.

அத்துடன் புங்குடுதீவு மாணவி வித்தியா படுகொலையுடன் தொடர்புடைய வழக்கு விசாரணைகள் தொடர்ச்சியாக இடம்பெற்று வரும் நிலையிலேயே நீதிபதி இளஞ்செழியன் பயணித்த வாகனம் மீது துப்பாக்கிப் பிரயோகம் மேற்கொள்ளப்பட்டுள்ளது.

இதனால் இந்த சம்பவத்துடன் தொடர்புடையவர்களால் இளஞ்செழியன் மீது தாக்குதல் நடத்தப்பட்டிருக்கலாம் என யாழ். குடா நாட்டு செய்திகள் தெரிவிக்கின்றமை குறிப்பிடத்தக்கது.


-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-
www.facebook.com/sltnews

www.youtube.com/channel/UClKoydhrmaq62unPGYJRilA

Twitter @SLTamilnews

எமது முகநூல் பக்கம் மற்றும் blogger பக்கத்தில் வெளியிடப்படும் அனைத்து செய்திகளும் சமகாலத்தில் வெவ்வேறு இணையத்தளங்களில் வெளியான செய்திகளும் முகநூல்களில் பிரசுரிக்கப்படும் செய்திகளுமே ஆகும்!
எனவே எந்த செய்திகளுக்கும் நாங்கள் பொறுப்பல்ல!

நீதிபதி இளஞ்செழியன் மீது நடத்தப்பட்ட துப்பாக்கி பிரயோகத்தை மறைக்க சதி?




யாழ். மேல் நீதிமன்ற நீதிபதி மா.இளஞ்செழியன் மீது நடத்தப்பட்ட துப்பாக்கி பிரயோகத்தை மறைக்கும் முகமாக ஒரு நபர் ஊடகங்களுக்கும் யாழ்ப்பாண பிரதி பொலிஸ் அத்தியட்சகருக்கும் சித்தரித்த கதைகளை வெளியிட்டுள்ளார்.

குறித்த நபர் கருத்து தெரிவிக்கையில் சம்பவத்தை நேரில் பார்வையிட்டதாக கூறியுள்ளார்.

உண்மையில் நீதிபதி மீதும், நீதிபதியின் கார் மீதும் துப்பாக்கி பிரயோகம் மேற்கொள்ளப்பட வில்லை எனவும் தெரிவித்துள்ளார்.

துப்பாக்கி பிரயோகம் கைலாசபிள்ளையார் கோவிலில் இருந்து கோவில் வீதியூடாக வந்த வேறொரு நபரை இலக்குவைத்து நடைபெற்றதாகவும் தகவல் வெளியிட்டுள்ளார்.

இதேவேளை, நீதிபதி மா. இளஞ்செழியனின் கார் எதேச்சையாகவே வந்தது. நீதிபதி மீதோ அல்லது நீதிபதியின் கார் மீதோ துப்பாக்கி பிரயோகம் மேற்கொள்ளப்பட வில்லை என திசை திருப்பியுள்ளார் என தெரிவிக்கப்படுகிறது.

இன்றைய தினம் நீதிபதி இளஞ்செழியன் மீதே இலக்கு வைத்து தாக்குதல் நடத்தப்பட்டதாக செய்திகள் வெளியாகி பரப்பரப்பாகியுள்ள இந்த சூழ்நிலையில், தனி நபர் ஒருவர் துணிச்சலாக நீதிபதி மீதோ, பொலிஸார் மீதோ தாக்குதல் நடத்தப்படவில்லை என்றும், அது வேறு எவரையோ இலக்கு வைக்கப்பட்டதாகவும் குறிப்பிட்டிருக்கிறார்.

இது தாக்குதலை திசை திருப்பும் செயல் என அரசியல் அவதானிகள் சுட்டிக்காட்டுகின்றார்கள்.

படுபயங்கரமான முறையில், சன நடமாட்டமுள்ள இடத்தில் வைத்து மிகத் தெளிவான முறையில் இந்த துப்பாக்கிச் சூட்டு சம்பவம் நிகழ்ந்திருக்கிறது.

இதன் போது, ஒருவர் உயிரிழந்திருக்கிறார். இன்னொரு அதிகாரி படுகாயமடைந்து மருத்துவமனையில் சிகிச்சை பெற்றுவருகின்றார்.

ஆனால், மிக சுலபமாக இந்த தாக்குதல் சம்பவத்தை திசை திரும்பும் முயற்சி இதன் மூலமாக முன்னெடுக்கப்படுகின்றதா என்னும் சந்தேகம் எழுப்படுகின்றது.


-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-
www.facebook.com/sltnews

www.youtube.com/channel/UClKoydhrmaq62unPGYJRilA

Twitter @SLTamilnews

எமது முகநூல் பக்கம் மற்றும் blogger பக்கத்தில் வெளியிடப்படும் அனைத்து செய்திகளும் சமகாலத்தில் வெவ்வேறு இணையத்தளங்களில் வெளியான செய்திகளும் முகநூல்களில் பிரசுரிக்கப்படும் செய்திகளுமே ஆகும்!
எனவே எந்த செய்திகளுக்கும் நாங்கள் பொறுப்பல்ல!

நீதிபதி இளஞ்செழியனுக்கு 17 ஆண்டுகளாக, நம்பிக்கைக்குரியவராகவுமிருந்த மெய்பாதுகாவலர் உயிரிழப்பு




யாழ். மேல் நீதிமன்ற நீதிபதி இளஞ்செழியனை இலக்கு வைத்து நடத்தப்பட்ட தாக்குதலின் போது படுகாயமடைந்த அவரது மெய்ப்பாதுகாவலர் உயிரிழந்துள்ளார் என யாழ். போதனா வைத்தியசாலை தகவல்கள் தெரிவிக்கின்றன.

நேற்றைய தினம் யாழ். நல்லூர் பகுதியில் வைத்து நீதிபதி இளஞ்செழியனின் வாகனத்தை நோக்கி மர்ம நபர் ஒருவர் துப்பாக்கிப் பிரயோகம் மேற்கொண்டிருந்தார்.


இந்த தாக்குதலின் போது நீதிபதியின் மெய்ப்பாதுகாவலர் இருவர் மீது குண்டுகள் பாய்ந்து படுகாயமடைந்திருந்தனர்.

உடனடியாக அவர்கள் யாழ்.போதனா வைத்தியசாலையில் அனுமதிக்கப்பட்டு சிகிச்சை பெற்று வந்தனர்.

இந்நிலையில் சிகிச்சை பலனின்றி ஒரு மெய்ப்பாதுகாவலர் உயிரிழந்துள்ளார் என அங்கிருந்து கிடைக்கும் தகவல்கள் தெரிவிக்கின்றன.

வயிற்றில் பலத்த காயமடைந்திருந்த மெய்ப்பாதுகாவலரே இவ்வாறு உயிரிழந்துள்ளார் என தெரியவந்துள்ளது.

குறித்த மெய்ப்பாதுகாவலர் நீதிபதி இளஞ்செழியனின் மெய்ப்பாதுகாவலராக 17 ஆண்டுகள் இருந்துள்ளதுடன், நம்பிக்கைக்குரியவராகவும் இருந்துள்ளார் என தெரியவந்துள்ளது.

இதேவேளை, தாக்குதல் நடத்தியதாக கருதப்படும் சந்தேக நபர் தீவகப் பகுதியில் வைத்து அதிரடிப் படையினரால் கைது செய்யப்பட்டிருந்தமை குறிப்பிடத்தக்கது.


-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-
www.facebook.com/sltnews

www.youtube.com/channel/UClKoydhrmaq62unPGYJRilA

Twitter @SLTamilnews

எமது முகநூல் பக்கம் மற்றும் blogger பக்கத்தில் வெளியிடப்படும் அனைத்து செய்திகளும் சமகாலத்தில் வெவ்வேறு இணையத்தளங்களில் வெளியான செய்திகளும் முகநூல்களில் பிரசுரிக்கப்படும் செய்திகளுமே ஆகும்!
எனவே எந்த செய்திகளுக்கும் நாங்கள் பொறுப்பல்ல!

நீதிபதி இளஞ்செழியனை இலக்கு வைத்து தாக்குதல் நடத்தியவர் கைது




யாழ்.மேல் நீதிமன்ற நீதிபதி மா. இளஞ்செழியனை இலக்கு வைத்து துப்பாக்கிப் பிரயோகம் மேற்கொண்டவர் எனக் கருதப்படும் சந்தேக நபரை விசேட அதிரடிப் படையினரும், பொலிஸாரும் இணைந்து கைது செய்துள்ளனர் என அங்கிருந்து கிடைக்கும் செய்திகள் தெரிவிக்கின்றன.

இன்றைய தினம் நல்லூர் பகுதியில் வைத்து, நீதிபதி இளஞ்செழியன் மீது மர்ம நபர் ஒருவர் துப்பாக்கிப் பிரயோகம் மேற்கொண்டிருந்தார்.

இத்தாக்குதலின் போது பாதுகாப்பு உத்தியோகத்தர்கள் இருவர் படுகாயமடைந்திருந்தனர். குறித்த தாக்குதல்தாரி, அங்கிருந்து மோட்டார் சைக்கிளில் லிங்கம் கூல்வார் வழியாக தப்பிச் சென்றிருந்தார்.

இதனையடுத்து யாழ். நகரப்பகுதி பலத்த பாதுகாப்பிற்குள் கொண்டுவரப்பட்டதுடன், விசேட அதிரடிப்படையினர் களத்தில் இறக்கப்பட்டனர்.

இந்நிலையில் தான் தீவகப் பகுதிக்கு தப்பிச் சென்ற மர்ம நபரை விசேட அதிரடிப் படையினர் சுற்றி வளைத்து கைது செய்துள்ளனர் என தெரியவருகிறது.

இதேவேளை கைது செய்யப்பட்ட குறித்த நபரை யாழ் மாவட்ட பிராந்திய பொலிஸ் நிலையத்திற்கு அழைத்து வந்துள்ளதாகவும் தகவல்கள் வெளியாகியுள்ளன.

எனினும் இது குறித்து யாழ்.மாவட்ட பொலிஸார் உத்தியோகபூர்வமாக எந்தவிதமான தகவல்களையும் வெளியிடவில்லை என்பது குறிப்பிடத்தக்கது.


-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-
www.facebook.com/sltnews

www.youtube.com/channel/UClKoydhrmaq62unPGYJRilA

Twitter @SLTamilnews

எமது முகநூல் பக்கம் மற்றும் blogger பக்கத்தில் வெளியிடப்படும் அனைத்து செய்திகளும் சமகாலத்தில் வெவ்வேறு இணையத்தளங்களில் வெளியான செய்திகளும் முகநூல்களில் பிரசுரிக்கப்படும் செய்திகளுமே ஆகும்!
எனவே எந்த செய்திகளுக்கும் நாங்கள் பொறுப்பல்ல!

நல்லூர் துப்பாக்கி சூடு. இலக்கு நீதிபதி இளஞ்செழியனா ? வீதியில் நின்ற இளைஞனா ? பொலிஸ் விசாரணை தீவிரம்




யாழ்.நல்லூர் பகுதியில் இடம்பெற்ற துப்பாக்கி சூட்டு சம்பவத்தில் , யாழ்.மேல் நீதிமன்ற நீதிபதி மா.இளஞ்செழியனின் பாதுகாப்பு உத்தியோகஸ்தர்கள் இருவர் காயமடைந்துள்ளார்.

நல்லூர் தெற்கு வாசல் கோபுரத்திற்கு முன்பாக இன்று சனிக்கிழமை மாலை 5.10 மணியளவில் இந்த சம்பவம் இடம்பெற்று உள்ளது.
துப்பாக்கிதாரி என்னை நோக்கி சுட்டார்.
மெய்பாதுகாவலர் என்னை காரினுள் தள்ளினார்.
குறித்த சம்பவம் குறித்து யாழ்.மேல் நீதிமன்ற நீதிபதி மா.இளஞ்செழியன் தெரிவிக்கையில் ,
எனது மெய்பாதுகாவலரான பொலிஸ் சார்ஜென்ட் துப்பாக்கி தாரியின் துப்பாக்கியை பிடித்து பறிக்க முயன்ற வேளை நான் துப்பாக்கியை விடுடா என கத்திக்கொண்டு அவனை நோக்கி ஓடி அவனுக்கு அருகில் சுமார் எட்டடி தூரம் சென்ற போது , துப்பாக்கி தாரி சரமாரியாக துப்பாக்கி பிரயோகம் மேற்கொண்டார்.

அதில் துப்பாக்கி சூட்டுக்கு எனது மெய்பாதுகாவலரான பொலிஸ் சார்ஜென்ட் இலக்காகி காயமடைந்தார். அதனை தொடர்ந்து துப்பாக்கிதாரி என்னை நோக்கி துப்பாக்கியை திருப்பி சுட முயன்ற போது என்னுடைய மற்றைய பொலிஸ் கான்ஸ்டபிள் ஓடி வந்து என்னை காரினுள் தள்ளி ஏற்றினார்.
என்னை காரினுள் ஏற்றி விட்டு அவர் துப்பாக்கி தாரி மீது துப்பாக்கி பிரயோகம் மேற்கொண்டார். அவர் மேற்கொண்ட துப்பாக்கி பிரயோகத்தில் , ஆலய பின் பகுதியில் இருந்த வேலி தகரங்களை துளைத்து சென்றன
துப்பாக்கி தாரி மீண்டும் என்னை நோக்கி துப்பாக்கி பிரயோகம் மேற்கொண்டார். அப்போது பொலிஸ் காண்டபிளுக்கு தோள் பட்டையில் துப்பாக்கி சூட்டு காயம் ஏற்பட்டது.
எனது பாதுகாப்பு உத்தியோகஸ்தர் துப்பாக்கிதாரி மீது மூன்று நாலு சூட்டினை நடாத்தி இருந்தார். அதில் துப்பாக்கி தாரிக்கு காயம் ஏற்பட்டதா என்பதனை அவதானிக்க முடியவில்லை. ஆனாலும் அவர் நொண்டி நொண்டி ஓடினதை அவதானித்தேன்.
அதனை தொடர்ந்து காயத்திற்கு உள்ளன, எனது இரு மெய்பாதுகாவலர்களையும் எனது காரில் ஏற்றிக்கொண்டு யாழ்.போதனா வைத்திய சாலைக்கு கொண்டு சென்றேன்.
இது தொடர்பில் , பிரதி பொலிஸ் மா அதிபருக்கும் , தலைமையாக பொலிஸ் பொறுப்பதிகாரிக்கும் அறிவித்து குறித்த இடத்தில் உள்ள கண்காணிப்பு காமராக்களை பரிசோதித்து துப்பாக்கி தாரியை கைது செய்யும் நடவடிக்கையை துரித கெதியில் முன்னெடுக்குமாறு உத்தரவு இட்டுள்ளேன்.
இந்த சம்பவம் ஆனது நான் வழமையாக கோவில் வீதியால் தான் சென்று வருவேன். அதனை அவதானித்து என்னை இலக்கு வைத்து இந்த துப்பாக்கி பிரயோகம் நடத்தப்பட்டதா எனும் சந்தேகம் எனக்கு எழுந்துள்ளது. எனில் அண்மைக்காலமாக யாழ்.மேல் நீதிமன்றில் நடைபெறும் பார தூரமான வழக்குகளை கையாளும் நபராக இருப்பதனால் , இந்த துப்பாக்கி சூடு என்னை இலக்கு வைத்து நடந்ததாக இருக்கலாம் என சந்தேகம் எழுகின்றது.
ஏனெனில் அந்த துப்பாக்கியை அவர் கையாண்ட விதம் ஒரு அனுபவம் உள்ள நபர் போன்று இருந்தது. அவர் மேற்கொண்ட துப்பாக்கி பிரயோகம் பார்த்த போதும் அவர் ஒரு அனுபவம் மிக்க துப்பாக்கி சூட்டாளர் போன்றே தோன்றியது.
வீதியில் சுமார் ஐந்து நிமிடங்கள் எனது மெய் பாதுகாவலர்களுக்கும் துப்பாக்கி தாரிக்கும் இடையில் துப்பாக்கி சண்டை நடைபெற்றது.
நீதித்துறைக்கு விடுக்கப்பட்ட சவால்.
மேல் நீதிமன்ற நீதிபதியான என் மீது மேற்கொள்ளப்பட்ட துப்பாக்கி பிரயோகம் ஆனது நீதித்துறைக்கு விடுக்கப்பட்ட சவாலாகவே நான் கருதுகின்றேன்.
ஏனெனில் அண்மைக்காலமாக நடைபெறும் வழக்குகள் அனைத்தும் உயிர் அச்சுறுத்தல் உள்ள வழக்குகள் தான் அத்துடன் எனது மெய் பாதுகாவலர்களை எவருக்கும் தெரியாது. அதனால் அவர்களை இலக்கு வைக்க வேண்டிய தேவை எவருக்கும் இருந்திருக்காது.
ஆகவே இது தொடர்பில் பாதுகாப்பு அமைச்சு , நீதி அமைச்சு மற்றும் நீதிச்சேவை ஆணைக்குழு எனது பிரதம நீதியரசரும் தகுந்த நடவடிக்கை எடுக்க வேண்டும் என கோருகிறேன். என தெரிவித்தார்.
வீதியில் நின்ற இளைஞன் மீது துப்பாக்கி பிரயோகம்.
சம்பவத்தை நேரில் பார்த்த இளைஞர் ஒருவர் தெரிவிக்கையில் ,
நாம் வீதியால் வந்து கொண்டிருந்த வேளை நல்லூர் பின் வீதியில் உள்ள கோவில் வீதி பருத்துறை வீதி சந்திக்கு அருகில் இளைஞர் ஒருவர் நின்றிருந்தார். அவரது ஆடையில் வர்ண நிறபூச்சுக்கள் (பெயின்ட்) காணப்பட்டன. அவரை பார்க்கும் போது வர்ண நிறபூச்சு (பெயின்ட் அடிக்கும்) வேலைக்கு சென்று வந்தவர் போன்று காணப்பட்டார்.
குறித்த இளைஞன் மீது ஆயுததாரி ஒருவர் கைத்துப்பாக்கியால் துப்பாக்கி பிரயோகம் மேற்கொண்டார். அவ்வேளை அந்த வீதியால் எமக்கு பின்னால் யாழ்.மேல் நீதிமன்ற நீதிபதியின் வாகனமும் வந்திருந்தது.
துப்பாக்கி பிரயோகத்தை அடுத்து நாமும் வீதியால் வந்து கொண்டிருந்த நீதிபதியும் வாகனத்தை நிறுத்தினோம். அதன் பின்னர் நாமும் நீதிபதியின் வாகனத்தில் வந்திருந்த நீதிபதியின் பாதுகாப்பு உத்தியோகஸ்தரான பொலிஸ் உத்தியோகஸ்தரும் துப்பாக்கி தாரியை பிடிக்க முயன்றோம்.
அதன் போது துப்பாக்கி தாரி எம் மீதும் துப்பாக்கி பிரயோகம் மேற்கொண்டார். அதன் போது நீதிபதியின் பாதுக்காப்பு உத்தியோகஸ்தர்கள் இருவருக்கு காயம் ஏற்பட்டு உள்ளது.
துப்பாக்கிதாரி மோட்டார் சைக்கிளில் தப்பி சென்றார்.
அதனை தொடர்ந்து துப்பாக்கிதாரி வீதியால் ஸ்கூட்டி ரக மோட்டார் சைக்கிளில் வந்து கொண்டிருந்த வயோதிப தம்பதிகளின் மோட்டார் சைக்கிளை துப்பாக்கியை காட்டி மிரட்டி பறித்து கொண்டு தப்பி செல்ல முயன்ற வேளை மோட்டார் சைக்கிள் கட்டுபாட்டை இழந்து வீதியோர மதிலில் மோதுண்டது.
அதன் போது துப்பாக்கி தாரியின் கையில் இருந்த கைத்துப்பாக்கி வீதியில் வீழ்ந்து. அதை கைவிட்டு துப்பாக்கி தாரி கோவில் வீதி வழியாக மோட்டார் சைக்கிளில் தப்பி சென்றார் என தெரிவித்தார்.
இலக்கு யார் ?
வீதியால் வந்த நீதிபதியின் காரினை மறிக்கவும் , நீதிபதியை காரினை விட்டு இறக்கவும் , வீதியில் நின்ற இளைஞர் ஒருவரை இலக்கு வைத்து துப்பாக்கி பிரயோக நாடகம் நடத்தப்பட்டு இருக்கலாம் எனவும் , ஏனெனில் சம்பவத்தை பார்த்த இளைஞர் தெரிவித்த, துப்பாக்கிதாரியின் இலக்கான வர்ணநிற பூச்சு (பெயின்ட்) ஆடையில் இருந்த இளைஞன் சம்பவத்தின் பின்னர் தலைமறைவாகி உள்ளார்.
அதனால் துப்பாக்கிதிரியும் வர்ணநிற பூச்சு (பெயின்ட்) ஆடையில் இருந்த இளைஞனும் சேர்ந்தே அந்த இடத்திற்கு வந்த பின்னர் நீதிபதியின் வாகனத்தை வழி மறிக்கும் முகமாக முன்னராக துப்பாக்கி பிரயோக நாடகம் ஒன்றினை நடாத்தி வாகனத்தை விட்டு நீதிபதி கீழ் இறங்கியதும் நீதிபதியினை நோக்கி துப்பாக்கி பிரயோகம் மேற்கொண்டு இருக்கமால் எனும் கோணத்தில் விசாரணைகளை முன்னெடுத்து வருவதாக பொலிஸ் தகவல்கள் தெரிவிக்கின்றன.
துப்பாக்கியின் மகசீன் மீட்கப்படவில்லை.
அதேவேளை சம்பவ இடத்தில் பத்து வெற்று துப்பாக்கி சன்னங்கள் காணப்பட்டன. துப்பாக்கிதாரி வீழ்த்தி சென்ற நிலையில் மீட்கப்பட்ட கைத்துப்பாக்கியானது , 12MM வகையை சேர்ந்து எனவும் , துப்பாக்கி மீட்கப்பட்ட போது மகசீன் காணப்படவில்லை எனவும் போலீசார் தெரிவித்துள்ளனர்.


-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-
www.facebook.com/sltnews

www.youtube.com/channel/UClKoydhrmaq62unPGYJRilA

Twitter @SLTamilnews

எமது முகநூல் பக்கம் மற்றும் blogger பக்கத்தில் வெளியிடப்படும் அனைத்து செய்திகளும் சமகாலத்தில் வெவ்வேறு இணையத்தளங்களில் வெளியான செய்திகளும் முகநூல்களில் பிரசுரிக்கப்படும் செய்திகளுமே ஆகும்!
எனவே எந்த செய்திகளுக்கும் நாங்கள் பொறுப்பல்ல!

நாதாரிபயலுகளா நீங்களும் செய்ய மாட்டீங்க...செய்யிற என்னையும் குற்றம் சொல்லுவீங்க...




இந்தா முல்லைத்தீவு காட்டிற்கு வைச்சிட்டாங்க பாரு #நெருப்பு#...யாரு கூழாமுறிப்பு காட்டிற்கு தீ வைத்தது என்பது தொடர்பில் #CID # விசாரணைக்கு உத்தரவிட வேண்டும் என வடமாகாண #முதலமைச்சர்# கோரிக்கை விடுக்க வேண்டும்...

#உடனடிமரம்நடுகை#

மக்களே...தீயினால் அழிவடைந்த கூழாமுறிப்பு காட்டில் முதல்கட்டமாக குறைந்தது 300 மரங்கள் உடனடியாக நட வேண்டும்...

இந்த விடயத்தில் என்னுடன் இணைந்து மரம்நடுகை செய்ய தயாராக உள்ளோர் அனைவரும் உங்களை அறிமுகப்படுத்தி ( Fake ID கள் ஏற்கப்பட மாட்டார்கள்) எனது inbox ற்கு Message செய்யவும்...

#என்மீதுகுற்றச்சாட்டு#

நான் இளைஞர்களை வைத்து #அரசியல்செய்கிறேன்# என்றோ அல்லது மக்களை #மூளைச்சலவை# செய்கிறேன் என்றோ கூறி எவனாவது என்னை "குற்றம்சாட்டி" கேள்வி கேட்டீர்கள் என்றால் பின்னர் உங்கள் "காதுகளால் இரத்தம்" வரும் அளவிற்கு #ஓப்பிணாக# #ஏசிவிடுவேன்#...இது உண்மை...

முதல்வரை சந்திக்க கடிதம் அனுப்பி உள்ளேன்...பதில் இன்னும் இல்லை...தானும் செய்யாது செய்யிற என்னையும் குற்றம் சொல்லும் இளைஞர்கள் தங்கள் நிலைப்பாட்டை மாற்றிவிட்டு ஓர் தமிழனாக என்னுடன் இணைய விருப்பம் என்றால் வாருங்கள்...இல்லையேல் எட்டே தள்ளி நில்லுங்கள்...

கூழாமுறிப்பில் தீ வைத்த இடத்திற்கு மரங்களை நட்டே தீரவேண்டும்...எந்த "மடையனோ" அல்லது "சுயநல அறிவாளியோ " இதை தடுக்க முடியாது...

#மக்களேஒன்றுசேருங்கள்#

நன்றி...மகிழ்ச்சி...

22.07.2017

இந்த இணைப்பின் ஊடாக இவருடன் தொடர்பு கொள்ளுங்கள்


-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-
www.facebook.com/sltnews

www.youtube.com/channel/UClKoydhrmaq62unPGYJRilA

Twitter @SLTamilnews

எமது முகநூல் பக்கம் மற்றும் blogger பக்கத்தில் வெளியிடப்படும் அனைத்து செய்திகளும் சமகாலத்தில் வெவ்வேறு இணையத்தளங்களில் வெளியான செய்திகளும் முகநூல்களில் பிரசுரிக்கப்படும் செய்திகளுமே ஆகும்!
எனவே எந்த செய்திகளுக்கும் நாங்கள் பொறுப்பல்ல!

யாழில் இராணுவத்தினர் மீது வாள்வெட்டு!




கொடிகாமம் - வரணி பகுதியில் இரண்டு இராணுவத்தினர் மீது இனந்தெரியாத நபர்களால் வாள் வெட்டு சம்பவம் மேற்கொள்ளப்பட்டுள்ளதாக அங்கிருக்கும் எமது பிராந்திய செய்தியாளர் தெரிவித்தார்.

குறித்த சம்பவம் இன்றைய தினம் இடம்பெற்றுள்ளதுடன், வாள்வெட்டிற்கு உள்ளான இராணுவத்தினர் கொடிகாமம் வைத்தியசாலையில் அனுமதிக்கப்பட்டுள்ளனர்.


அத்துடன், இந்த சம்பவம் வரணி பகுதியிலுள்ள முல்லி என்ற கிராமத்தில் இடம்பெற்றுள்ளது.

மேலும், சம்பவம் தொடர்பாக மேலதிக விசாரணைகளை கொடிகாமம் பொலிஸார் மேற்கொண்டு வருவதுடன், வாள்வெட்டு சம்பவத்துடன் தொடர்புடைய நபர்களை கைது செய்யும் நடவடிக்கையும் முன்னெடுக்கப்பட்டு வருகின்றது.

இதேவேளை, பருத்தித்துறை வல்லிபுரம் குடத்தனைப் பகுதியில் நேற்றைய தினம் சட்டவிரோத மணல் கடத்தலில் ஈடுபட்டவர்கள் கடலோரக் காவற்படையினர் மீது கல்வீச்சுத் தாக்குதல் மேற்கொண்ட நிலையில், அப்பகுதியில் பெருமளவில் பாதுகாப்புப் படையினர் குவிக்கப்பட்டுள்ள நிலையிலேயே இன்றைய தினம் வரணியில் இராணுவத்தினர் மீதான வாள்வெட்டுச் சம்பவம் இடம்பெற்றுள்ளமை சுட்டிக்காட்டத்தக்கது.


-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-
www.facebook.com/sltnews

www.youtube.com/channel/UClKoydhrmaq62unPGYJRilA

Twitter @SLTamilnews

எமது முகநூல் பக்கம் மற்றும் blogger பக்கத்தில் வெளியிடப்படும் அனைத்து செய்திகளும் சமகாலத்தில் வெவ்வேறு இணையத்தளங்களில் வெளியான செய்திகளும் முகநூல்களில் பிரசுரிக்கப்படும் செய்திகளுமே ஆகும்!
எனவே எந்த செய்திகளுக்கும் நாங்கள் பொறுப்பல்ல!

வடமராட்சியில் பெருமளவு கடற்படையினர் குவிப்பு




வடமராட்சிப் பகுதியில் நேற்று மாலை இடம்பெற்ற துப்பாக்கிச் சூட்டுச் சம்பவம் தொடர்பில் நிலைமையை ஆராய்வதற்காக இலங்கைக் கடற்படைத் தளபதி இன்றைய தினம் அந்தப் பகுதிக்குச் சென்றுள்ளார்.

அத்துடன், பருத்தித்துறை வல்லிபுர வீதியின் இரு மருங்கிலும் இன்றைய தினம் 300 க்கும் மேற்பட்ட பாதுகாப்பு படையினர் குவிக்கப்பட்டுள்ளதாகவும் தெரிவிக்கப்பட்டுள்ளது.

வடமராட்சி வல்லிபுர ஆழ்வார் ஆலயத்திற்கு அண்மையிலுள்ள குடத்தனை வீதியில் 4 கடலோரக் காவற்படையினர் துவிச்சக்கர வண்டியில் நேற்று மாலை ரோந்துப் பணியில் ஈடுபட்டிருந்தனர்.


இவர்கள் மணல் கடத்தலில் ஈடுபட்ட வாகனத்தை மறித்து சோதனையிட முற்பட்ட போது, அதில் பயணித்தவர்கள் பொலிஸார் மீது கற்களை எறிந்து தாக்குதல் நடத்தியுள்ளனர்.

இதனையடுத்து, பொலிஸார் வானத்தை நோக்கி துப்பாக்கிச் சூடு நடத்தியதால், மணல் கடத்தலில் ஈடுபட்டோர் வாகனத்துடன் தப்பித்து சென்ற நிலையில், அந்தப் பகுதியில் பதற்றம் ஏற்பட்டது.

சம்பவத்தில் கடலோரக் காவற்படையினர் இருவர் படுகாயமடைந்த நிலையில், அவர்களில் ஒருவர் கவலைக்கிடமாக உள்ளதாகவும் தெரிவிக்கப்படுகின்றது.


சம்பவம் இடம்பெற்ற குடத்தனைப் பகுதி மற்றும் பருத்தித்துறை பொலிஸ் நிலையத்துக்கு நேற்றிரவு சிறப்புப் பாதுகாப்பு வழங்கப்பட்டதுடன், நேற்றிரவு கடலோரக் காவற்படையினர் பருத்தித்துறை பொலிஸ் நிலையத்தில் முறைப்பாடு ஒன்றையும் பதிவு செய்தனர்.

இதனையடுத்து, வடமராட்சிக்குப் பொறுப்பான மூத்த பொலிஸ் அத்தியட்சகர் எஸ்.எஸ்.பி.மாரசிங்க, பொலிஸ் அத்தியட்சகர் பிரியந்த ஆகியோர் தலைமையில் பொலிஸ் குழுவினர் சம்பவ இடத்திற்குச் சென்று விசாரணைகளை மேற்கொண்டனர்.


இதேவேளை, மணல் கடத்தலில் ஈடுபட்டோரால் கடலோரக் காவற்படையினரின் துப்பாக்கி ஒன்றும் பறிக்கப்பட்டதாகத் தெரிவிக்கப்பட்ட போதிலும், அதனை கடற்படையினர் மறுத்துள்ளனர்.


-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-
www.facebook.com/sltnews

www.youtube.com/channel/UClKoydhrmaq62unPGYJRilA

Twitter @SLTamilnews

எமது முகநூல் பக்கம் மற்றும் blogger பக்கத்தில் வெளியிடப்படும் அனைத்து செய்திகளும் சமகாலத்தில் வெவ்வேறு இணையத்தளங்களில் வெளியான செய்திகளும் முகநூல்களில் பிரசுரிக்கப்படும் செய்திகளுமே ஆகும்!
எனவே எந்த செய்திகளுக்கும் நாங்கள் பொறுப்பல்ல!

நீதிபதி இளஞ்செழியனை நோக்கி துப்பாக்கிச் சூடு: யாழில் பதற்றம்




யாழ். உயர் நீதிமன்ற நீதிபதி மா.இளஞ்செழியன் பயணித்த வாகனம் வழிமறிக்கப்பட்டு இனந்தெரியாதவர்களால் துப்பாக்கிச் சூடு நடத்தப்பட்டுள்ளதாக அங்கிருக்கும் எமது பிராந்திய செய்தியாளர் தெரிவித்தார்.

இந்தச் சம்பவம் சற்றுமுன்னர் யாழ்ப்பாணம் நல்லூர் பின் வீதியில் வைத்து இடம்பெற்றுள்ளது.


நீதிபதி இளஞ்செழியன் பயணித்த வாகனத்தை மோட்டார் சைக்கிளில் வந்த இருவர், வழிமறித்து துப்பாக்கிப் பிரயோகத்தை மேற்கொண்டுள்ளனர்.

இந்த துப்பாக்கிச்சூட்டுச் சம்பவத்தில் நீதிபதி இளஞ்செழியனுக்கு பாதிப்பு எதுவும் நேரவில்லை என தெரிவிக்கப்பட்டுள்ளதுடன், அவரது பாதுகாப்பு உத்தியோகத்தர்கள் இருவர் காயமடைந்துள்ளதாகவும் தெரிவிக்கப்படுகிறது.

இதேவேளை சம்பவத்தில் காயமடைந்த இருவரும் தற்பொழுது யாழ். போதனா வைத்தியசாலையின் அதி தீவிர சிகிச்சைப் பிரிவில் அனுமதிக்கப்பட்டுள்ளனர்.

இந்த துப்பாக்கிச்சூட்டுச் சம்பவத்தில் ஒருவருக்கு தோள்பட்டையில் காயம் ஏற்பட்டுள்ளதுடன், மற்றையவருக்கு வயிற்றில் காயம் ஏற்பட்டுள்ளதாகவும் தெரிவிக்கப்பட்டுள்ளது.

நீதிபதி இளைஞ்செழியனின் வாகனத்தை இடைமறித்த இனந்தெரியாத நபர்கள், அவரை நோக்கி 10 தடவை துப்பாக்கி சூடு நடத்திய வேளையில், அவரின் மெய்ப்பாதுகாவலர்களின் அதீத முயற்சியினால் நீதிபதி பாதுகாக்கப்பட்டுள்ளார்.

அத்துடன், சந்தேக நபர் அங்கிருந்த பெண்ணொருவரின் மோட்டார் சைக்கிளை பறித்து தப்பிச் செல்ல முற்பட்ட போது, அவரது துப்பாக்கி கீழே வீழ்ந்துள்ள நிலையில், சந்தேகநபர் சாதுர்யமாக பொலிஸாரின் பிடியில் இருந்து தப்பிச்சென்றுள்ளதாகவும் சந்தேக நபர் வைத்திருந்த துப்பாக்கி பொலிஸாரினால் மீட்கப்பட்டுள்ளது.



இந்தச் சம்பவத்தைத் தொடர்ந்து யாழ்ப்பாணத்தில் பதற்றம் நிலவி வருவதுடன், விஷேட அதிரடிப் படையினர் குவிக்கப்பட்டு, பாதுகாப்பு பலப்படுத்தப்பட்டுள்ளதாகவும் எமது செய்தியாளர் தெரிவித்தார்.

இந்தச் சம்பவம் தொடர்பான மேலதிக விசாரணைகளை யாழ்ப்பாணம் பொலிஸார் மேற்கொண்டு வருவதுடன், சம்பவத்துடன் தொடர்புடைய சந்தேக நபர்களைக் கைது செய்யும் நடவடிக்கை முன்னெடுக்கப்பட்டு வருகின்றது.

இதேவேளை, யாழ். மேல் நீதிமன்ற நீதிபதி மா.இளஞ்செழியன் மற்றும் திருகோணமலை மேல் நீதிமன்ற நீதிபதி அன்னலிங்கம் பிரேமசங்கர் மற்றும் வவுனியா மேல் நீதிமன்ற நீதிபதி பா.சசிமகேந்திரன் ஆகியோர் தலைமையில் புங்குடுதீவு மாணவி வித்தியா படுகொலையுடன் தொடர்புடைய வழக்கு விசாரணைகள் தொடர்ச்சியாக இடம்பெற்று வரும் நிலையிலேயே நீதிபதி இளஞ்செழியன் பயணித்த வாகனம் மீது துப்பாக்கிப் பிரயோகம் மேற்கொள்ளப்பட்டுள்ளமை குறிப்பிடத்தக்கது.


-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-
www.facebook.com/sltnews

www.youtube.com/channel/UClKoydhrmaq62unPGYJRilA

Twitter @SLTamilnews

எமது முகநூல் பக்கம் மற்றும் blogger பக்கத்தில் வெளியிடப்படும் அனைத்து செய்திகளும் சமகாலத்தில் வெவ்வேறு இணையத்தளங்களில் வெளியான செய்திகளும் முகநூல்களில் பிரசுரிக்கப்படும் செய்திகளுமே ஆகும்!
எனவே எந்த செய்திகளுக்கும் நாங்கள் பொறுப்பல்ல!

வளைகுடா நெருக்கடி! கட்டார் அரசின் திடீர் தீர்மானம்




வளைகுடாவில் ஏற்பட்டுள்ள நெருக்கடி நிலைக்கு முற்றுப்புள்ளி வைக்க கட்டார் அரசாங்கம் தீர்மானித்துள்ளது.

பிராந்திய அரபு நாடுகளுடன் பேச்சுவார்த்தை நடத்த கட்டார் ஆட்சியாளர் ஷேக் தமீம் பின் ஹமத் அல் தானி இணக்கம் தெரிவித்துள்ளார்.


கட்டாருடன் ராஜதந்திர உறவுகளை துண்டித்துக் கொண்ட நான்கு நாடுகளுடன் பேச்சுவார்த்தை நடத்தப்படவுள்ளது.

தற்போது ஏற்பட்டுள்ள நெருக்கடி நிலைக்கு தீர்வுக் காணும் எந்த தீர்மானமும், கட்டாரின் அரசுரிமையை மதிக்க வேண்டும் எனவும் ஆட்சியாளர் கோரிக்கை விடுத்துள்ளார்.

ஜூன் மாதத்திலிருந்து சவுதி அரேபியா, ஐக்கிய அரபுச் சிற்றரசுகள், பஹ்ரைன், எகிப்து ஆகிய நாடுகள், கட்டாருடனான உறவைத் துண்டித்துக்கொண்டன.

பயங்கரவாதக் குழுக்களுக்கு கட்டார், டோஹா நிதி உதவி அளிப்பதாகக் குற்றச்சாட்டு முன்வைக்கப்பட்டது.

கட்டார் பயங்கரவாத குழுக்களுக்கு அளிக்கும் பண உதவியை நிறுத்த எடுத்திருக்கும் இந்த முயற்சி, வொஷிங்டனுக்கு திருப்தி அளித்திருப்பதாக, அமெரிக்காவின் வெளியுறவு அமைச்சர் ரெக்ஸ் டில்லர்சன் கூறியுள்ளார்.


-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-
www.facebook.com/sltnews

www.youtube.com/channel/UClKoydhrmaq62unPGYJRilA

Twitter @SLTamilnews

எமது முகநூல் பக்கம் மற்றும் blogger பக்கத்தில் வெளியிடப்படும் அனைத்து செய்திகளும் சமகாலத்தில் வெவ்வேறு இணையத்தளங்களில் வெளியான செய்திகளும் முகநூல்களில் பிரசுரிக்கப்படும் செய்திகளுமே ஆகும்!
எனவே எந்த செய்திகளுக்கும் நாங்கள் பொறுப்பல்ல!

Friday, July 21, 2017

அரசியல்வாதிகள் மற்றும் அரசாங்க அதிகாரிகளின் கபடத்தனத்தில்....புதைந்துள்ள மர்மம் என்ன?




வடமராட்சி கிழக்கில் எமது மக்களின் பங்களிப்புடன் மக்களால் மக்களுக்காக நிர்மாணிக்கப்பட்டுள்ள வீதியை அரசாங்க அதிகாரிகளும் அரசியல்வாதிகளும் அரச சொத்தாகக் காண்பித்து அரசியல் ஆதாயம் தேடமுற்படுகின்ற வேடிக்கையான நிகழ்வொன்று இன்று வெள்ளிக்கிழமை (21.07.2017) நடைபெற்றுள்ளது.

இந்நிகழ்வில் தேசியப் பட்டியல் பாராளுமன்ற உறுப்பினர் இராமநாதன்- அங்கஜனும் கலந்து கொண்டு பிரதேசத்தின் அழகினை இரசித்துள்ளமை கண்கொள்ளாக் காட்சியாக இருந்ததாக நிகழ்வினை நேரில் பார்த்த அரசாங்க அதிகாரிகள் தெரிவிக்கின்றனர்.

இவ்விடயங்கள் தொடர்பான முழுமையான பதிவுகளுக்கு.....

வ. கிழக்கில் இருந்து இயக்கச்சிக்குச் செல்வதற்கான குறுந்தூர வீதியான கொடுக்கிளாய் - இயக்கச்சி வீதி இப்பிரதேச மக்களின் முயற்சியில் மக்களின் நிதிப் பங்களிப்புடன் கடந்த வருடம் நிர்மாணிக்கப்பட்டு, இவ்வீதியூடான பொதுப் போக்குவரத்துக்கள் கடந்த ஆறு மாதங்களுக்கு மேலாக இடம்பெற்று வருகின்றது.

இவ்வீதியின் முக்கியத்துவம் உணர்த்தப்பட்டு, கட்டைக்காடு, கேவில், வெற்றிலைக்கேணி, ஆழியவளை, உடுத்துறை, வத்திராயன் ஆகிய பிரதேச மக்களின் அனர்த்த காலப்பாதிப்புக்களைத் தடுப்பதற்காக நிர்மாணிக்குமாறு சுனாமி அனர்த்தத்திற்குப் பின்னர் எமது மக்கள் தொடர்ச்சியாகக் கோரி வந்தனர்.

ஆனால் போருக்குப் பின்னரான மீள்குடியேற்றத்துடன் இப்பகுதியில் பிரதேச செயலராக் கடமையாற்றிய திருவாளர் திருலிங்கநாதன் என்பவர் பிரதேச நிர்வாகத்தில் ஓருறுப்படுத்தல் தன்மையுடன் செயலாற்றத் தவறியமையால் எமது மக்களின் கோரிக்கைகள் உரிய அமைச்சுக்களுக்குச் சென்றுசேரவில்லை.

இவருடைய காலத்திற்குப் பின்னரும் பிரதேச ஒணருங்கிணைப்பு, அபிவிருத்திக் கூட்டங்களில் இக்கோரிக்கைகள் மக்களால் தொடர்ந்தும் முன்வைக்கப்பட்டுள்ளன.

அனால் அரச அதிகாரிகள் அதனைக் கண்டுகொள்ளத் தவறியதால் எமது மக்கள், பொதுமக்களின் நிதிப்பங்களிப்புடன் மனித முயற்சியால் பல்வேறு இடையூறுகளுக்கு மத்தியில் குறித்த வீதியை நிர்மாணித்துள்ளனர்.

இதனால் மக்கள் தமக்கான பாதுகாப்பிற்கு எவரிடமும் கையேந்தாது தாமே முயற்சித்து வெற்றிபெற்றுள்ளனர்.

இவ்வாறு பொதுமக்கள் துயருற்ற பொழுது கண்டுகொள்ளாதா அரசியல்வாதிகள் தற்பொழுது இந்த வீதியை தங்களுடைய அரசாங்கம் அமைத்துள்ளதாகக் காண்பித்து அரசியல் ஆதாயம் தேட முற்பட்டுள்ளனர்.



இவ்விடயத்தில் அங்கயன் என்ற அரசியல்வாதி தற்பொழுது இந்த வீதயைப் பார்த்துள்ளார். புகைப்படமும் எடுத்துள்ளார். தன்னுடைய அரசியல் வெற்றியாக இதனைக் காண்பித்துள்ளார். ஆனால் இவருக்கு எமது பிரதேசம் இருப்பதே தெரியாது. இவர் எமது மக்களுக்கு இதுவரையில் எதுவுமே செய்யவில்லை. ஆனால் தற்பொழுது இந்த வீதியில் நின்று தன்னைக் காட்சிப்படுத்தி மார்தட்டியுள்ளார்....?

இந்த விடயங்கள் தொடர்பான பதிவுகள் தற்போதய பிரதேச செயலரின் முகநூலில் உள்ளன.

இவருடைய பதிவில்....



'மக்கள் பங்களிப்பில்(7.6மில்லியன் )ஆரம்பிக்கப்பட்டு பின்னர் நிலைத்து நிற்க கூடிய வகையில் 14.8மில்லியன்)செலவில் புனரமைப்பு செய்யப்பட்டு இன்று அனர்த்த முகாமைத்துவ அமைச்சர் அனுரபிரியதர்சன யாப்பாவினால் மக்கள் பாவனைக்காக கையளிக்கும் நிகழ்வுகளின் பதிவுகள். இதில் கௌரவ அங்கயன் ராமநாதன்,அனர்த்த முகாமைத்துவ அமைச்சரின் செயலாளர், மேலதிக செயலர், பணிப்பாளர்கள் பொதுமக்கள், மாணவர்கள் பலரும் கலந்துகொண்டனர். இக்கூட்டத்தில் தார் கொண்டு அமைப்பதற்கு 60 மில்லியன் ரூபா கோரப்பட்டது. அமைச்சர் அவர்கள் அதற்கான ஏற்பாட்டில் ஈடுபடுவதாக உறுதி அளித்தார்.'

என்பதாக உள்ளது.

இப்பதிவில் பிரதேச செயலர் வீதியின் பெயரைக் குறிப்பிடாமல் மறைத்துள்ளமை தொடர்பில் மக்கள் விழிப்பாக இருக்க வேண்டும்.

உண்மையை மறைக்கின்ற அரசாங்க அதிகாரிகரிகள் மற்றும் அரசியல்வாதிகளின் பிடிக்குள் எமது பிரதேசம் சிக்கிச் சிதைக்கப்படுவதை ஒருகணம் உற்றுநோக்குங்கள்...

நன்றி
-வடமராட்சி கிழக்கு-


-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-
www.facebook.com/sltnews

www.youtube.com/channel/UClKoydhrmaq62unPGYJRilA

Twitter @SLTamilnews

எமது முகநூல் பக்கம் மற்றும் blogger பக்கத்தில் வெளியிடப்படும் அனைத்து செய்திகளும் சமகாலத்தில் வெவ்வேறு இணையத்தளங்களில் வெளியான செய்திகளும் முகநூல்களில் பிரசுரிக்கப்படும் செய்திகளுமே ஆகும்!
எனவே எந்த செய்திகளுக்கும் நாங்கள் பொறுப்பல்ல!